LAMTLUANG ZINGKAR CHANCHINTHAR TAWI LAWRKHAWM *Mizoram Synod Mission board hnuai a Home Mission North missionary retreat Mamit Prebyterian Kohhran Biak In a neih chu nizan khan a tiak ta. Speaker ah Upa Dr.L.N Tluanga hman a ni. *Nimin lama kan rawn tarlan tawh angin Mizoram UPC General mission inkhawmpui vawi 5-na pawh nizan khan Vanapa hall, Aizawl-ah an tiak ta. *Nimin a Union minister lakluh thar te zing a an hna chan langsar zual te: Defence - Manohar Parrikar, Railways - Suresh Prabhu, Health - JP Nadda, Rural development - Birender Singh, Information & Broadcasting - Rajyavardhan Singh Rathore. *India ram a online hmanga sumdawnna E-commerce an tih chu mithiam ten an chhut danin nakum 2015 ah chuan 37% in a thang dawn niin an ngai a a hlut lam pawh $ Tluklehdingawn 20 a kai ang an ti. *German car khalh thiam Mercedes team a ni Nico Roseberg (29) chu nimin a Brazilian Grand Prix tlan zawh takah pakhatna a ni a, pahnihna chu a teamate Lewis Hamilton a ni, pathumna chu Williams driver Felipe Massa a ni a, palina chu McLaren driver Jenson Button a ni a, pangana Red Bull driver Sebastian Vettel a ni a, parukna chu Ferrari driver Fernando Alonso niin pasarihna chu Kimi Raikkonen (Ferrari), pariatna Nico Hulkenberg (Force India), pakuana chu Kevin Magnussen (McLaren), sawmna Valtteri Bottas (Williams). *Shiv Sena hruaitu nimin a Mumbai a thukhawm chuan Maharashtra assembly ah BJP in Nationalist Party thlawpna an lak dawn chuan eptu pawl a thut an tum thu leh BJP hnenah hian ni hnih chhung a an ngaihdan tichiang turin hun an pe a ni. *Union finance minister Arun Jaitley chuan nimin ah Delhi ah India Global Forum meeting ah thusawi in Pakistan in ramri a inkahhai thuthlung a bawhchhiat fo chuan remna zawng a inbiakna India in a neih pui thei lo ang a ti. *Khawvela smartphone siamchhuak hnember 3-na China company Xioami chuan $Tluklehdingawn 1.5 peipun hman tum hma lak an tum. Sum leh pai kum chhiarna vawi thum na (3rd quarter) chhung khan smartphone maktaduai 18 an thawn chhuak hman a ni. I lo hriat ve mai mai atan khawvel a smartphone siamchhuak hnember chu Samsung anni a, chumo dawt ah a pahnihna chu Apple anni. *Nimin khan Spain hmarchhak ram a awm Catalan mipuite chuan Spain lak a zalenna neih tumin vote an thlak a, 9am-1pm chhungin mi maktaduai 1.1 in vote an thlak hman a ni. Catalan mipui ten thuneihna sang zawk duh a zalenna neih an ngiat hi Spain sorkar chuan a pawmsak lo thung a ni. *Nimin khan dodalna nasa tak karah Yemen sorkar thar an ram President hlui Ali Abdullah Saleh kaihhruai chu lakluh a ni a, a rual hian minister thar 30 lakluk tel anni. *Athui in lo tih tawh takin hetah hian duh tawk ang aw. Lamtluang a tukin a news kan rawn post hi chhiar chhuak dap zawngin comment ah CCD tiin rawn sawi teh u, engzat chiah in nge kan thu post thin te hi min lo hlutsak tih kan hre ve duh e. Chawlhkar thar hman nuam vek ule
Posted on: Mon, 10 Nov 2014 01:14:27 +0000
Trending Topics
Recently Viewed Topics
© 2015