LOVE LETTER(impendulo) Ezintabeni zomzwangedwa nosizi P.O Box thando ngiyakwesaba uyingozi Dilika zintaba ngimbone othandiweyo 5 to sekuzolunga yelapheke le nhliziyo Valumnyango,uvulamehlo ngikuxoxele Dear soka lami Ngiyitholile evela kuwe themba lami Ingijuqe njengenkemba ebukhali Inkeneneza ubusuku bonke angisalali Ngenkathi ngiyifunda inhliziyo ibigubhazela Bekungathi ngisemfuleni ngiyachobozela Uma selukushisa kusobala luyakuhlukumeza Inhloso yami ngalo iyodwa,ukukufudumeza Ngale ncwadi mntakwethu ngiyagonyuluka. Soka lami,wena sinqandamathe sami Phela wena uphila emizweni yami Siyoziphumulela emaweni sigonane Sengiphelele esifubeni kuwe okomiyane Ngakukhetha kwabaningi bengeshela Uyidlozi lami ngiyithwasa ngiyakugidela Ngiyafa kuyimanje isibibithwane sesilokozane Mazidilike lezintaba mntanethu sibonane Ngiyoqhumela kuwe patsha okomkhaza Ubusika budlule nami kulamakhaza. Ukhonzenhliziyweni yakho ungalibali Nami sengibala izinsuku angisalali Sengiyobona ngawe usulinde empophomeni Uma kungenjalo ngiyolinda kuwo uMdoni. Usale kahle mkhumbi wami wokunethezeka Yimi othandiweyo wakho ngokwethembeka Isiyobonana ukuphela kwenyanga Ungakhohlwa usakuthanda uNomalanga. *eyivala eyibeka esifubeni kuye* By: Ndumiso Love Letter Mbona
Posted on: Mon, 28 Jul 2014 16:47:07 +0000