La fantates dal Borc di Sore Tal Borc di Sore las fantates erin furbes come gjates, dai balcons a scjalâr spiave e as scjelgeve chel c’à ur lave. A urî aghe par amoregjâ, tant sinceres tal bussâ che tirât il fantat in file no lu jodevin plui pa vile. Dal’amât ere scontade c’as spietas la serenade e no pierdevin l’ocasion par dî grasie sul balcon. “Lopes” e “Boteries” as incjantave, “Contes” e “Tures” as combinave, “Lines” tal convent cidines cidines, gracioses scosagnes las “Cavocines”. Chês dal “Liti” bieles di bavele, “Gories” e “Bianes” di favele, las “Gjones” di comacje, da “Davente” cence pecje. Bando ai scherz e ai matez, cjase par cjase murosets, un grant vie vai di gioventût che maridales i scussons an savût. Gabane
Posted on: Mon, 28 Oct 2013 05:06:44 +0000
Trending Topics
Recently Viewed Topics
© 2015