Lalpan mi zawng zawngte hi chhandama awmah leh thutak hriaah a duh si a(1Tim 2:4). Lal Isuan Thutak in hria ang a,thutak chuan bawih a ban ang che u a ti a(Joh 8:32). Lal Isuan Amah ngei hi thutak a nih zia min hrilh leh bawk a(Joh 14:6). Lal Isua vekin Pathian diktak awm chhun leh a mi tirh Isua Krista hriat chu chatuan nunna a ni tih min hrilh a(Jon 17:3). Hriatna neih a pawi mawh dawn ta mang e. Chu hriatna chu zir chhuah chi pawh a ni lo va,hlawhchhuah chi pawh a ni hek lo. Zirtir sawm leh hnihte pawh,khan Isua kha kum thum aia tam lo zui mahse chu Pathian mi tirh diktaka hriat theihna hriatna chu an lo la nei chuang loh avangin Isua thihna atanga a thawh leh hnu thleng pawn Isuaah an la innghat thei rih lo ta fo mai nih kha. Chhandamna chu Lalpa ta a nih ang bawkin Aman kawng min hawnsak loh chuan taimakna leh in pek zawhna te,tih fan fan leh tan lakna te,in uluk em em na te hmang pawn tuma hlawh chhuah theih a ni lo. Hriatna kawng pawh hawn sak chawp kan ngai a(Luka 24:45). Thutak Lal Isua,mi diktak hriatna chu khawngaihtu leh hmangaihtu Pa thilpek a ni(1Joh 5:20). Chu Ama min pek hriatna atanga thutak Isua hriat hi a ni chhandamna kawng awm chhun chu.!!! Mahni hriatnaah in nghat suh tih ziak ang khan...Ama in puannate chauh lo chuan tuman an hre thei si lo.
Posted on: Mon, 11 Nov 2013 21:18:50 +0000
Trending Topics
Recently Viewed Topics
© 2015