@Lalrinmawia Khawlhring 1998 kum vel kha ni ta in ka hria, youth exchange programah Mizoram atangin Nainital-ah Mizo tlangval dang rualin ka kal ve a. Delhi kan thlenin Asharam pakhatah chumi program a kal state dang dang a mi ho chu a huhova Nainital pan turin min thlen khawm tir a. Chutiang bawkin Nainital-a program a zawh hnuah Delhi-ah bawk kan kir lehin kan thlenna ngaiah kan thleng khawm leh a. Room hrang hrangah, a room len dan a zira tam leh tlem deuh in min riah khawm tir a. Mizoram lam pana kan haw dawn tukah chuan zing khawvar hmain kan tho a, train station pan turin. Kan mutna piah deuh, kan riahna room thoah hian a ho hovin, khawilam state nge pawh ka hre chiah lo, thalai rual khat hi an mu bawk a. Khawlum bawk nen, lungi veng/feng-in an mu fur mai a. Kei, thawhthut changa harh ve tak chuan an zinga pakhat bawkkhup zawng a mu lungi chu ka thianpa ka keu tira, hmuh pawh hmu thei lem lo chuan ka camera, kan chhungkaw camera (digital kha kan la nei ve lova) ken ngei mai chuan thla kan la ngawt pek a. A hnuah ka hre reng ta lem lo, kha ka thlalak kha. Mizoram kan thleng, ka camera roll film chu kan in bul maia Marina L Renthlei (hei pawh hi a lo chhiar ve ngei ang ) te dawrah hian print turin ka dah ve ngei a. A lam theih hun zingah chuan ka patea zing leng chhuak haw lam hian a rawn lam hawng a. Thlalak chu bawma an la dah vek avang chuan engmah ka patea chuan a hmu lem lo. Tukthuan eia kan lo thut thap laiin thlalak chu a han en kual dan dan. Chutah vaipa kap thla ka lak kha chiang mangkheng hian a lo lang. Khapa kha kekawrte a lo ha lo chu niin! A fiah ang reng sia, a in khai ta thuah mai! Chutah ka patea chuan, “Hei tu kap nge? Engtia i lak nge…?” tiin nuihza deuh reuh chung si hian min zawt. Chhungte dang, nui deuh tha chungin an lo ngawi diak, ka chhanna nghakin min en thap…. Sawi tur avangin, mahni inchhung mah nise hnar a lawk duh ang reng khawp mai
Posted on: Thu, 16 Jan 2014 10:30:00 +0000
Trending Topics
Recently Viewed Topics
© 2015