Legjenda braziliane, Ronaldo, beson se bashkëkombësi i tij, Neymar, do të përfitojë nga loja me Lionel Messin te Barcelona. 21-vjeçari nënshkroi për katalunasit gjatë afatit kalimtar veror, ndërsa ish-sulmuesi i Barcelonës dhe Real Madridit mendon se atij i nevojitet edhe shumë kohë për të arritur në nivelin e Messit dhe Cristiano Ronaldos. “Mendoj se do të vazhdojmë të flasim për Messin dhe Cristianon, sepse për Neymarin duhet të presim. Ai është një futbollist i ri, por do të mësojë dhe do të bëhet një nga më të mirët”. “Neymari do të mësojë shumë nga Barca, nga Messi, nga futbolli evropian”, është shprehur ‘Fenomeni’ për Europa Press.
Posted on: Wed, 04 Sep 2013 18:13:25 +0000