Lei ta kontra promesanan di Dios anto? Galationan 3:21 E lei i evangelio no por separá. Den Kristu e miserikòrdia i e bèrdat a uni; Hustisia i pas a sunchi otro. Evangelio no a ignorá e obligashonnan di e ser humano pa ku Dios. Evangelio ta e lei habrí, nada mas ni nada ménos. E no ta duna mas libertat pa peka kontra e lei. E Lei ta señalá Kristu; Kristu ta señalá e lei. Evangelio ta yama nos na arepentimentu. Arepentimentu di kiko? Di piká. I kiko ta piká? Piká ta kibramentu di lei. Pesei, evangelio ta yama e pekadoronan pa bini bèk di nan transgreshonnan na e obedensia na e lei di Dios. Hesus, den Su bida i morto, a siña e obedensia di mas estrikto. E la muri, e Hustu pa esun inhustu, e Inosente pa esun kulpabel, pa e honor di e lei di Dios keda preservá i pa humanidat no pèrdè totalmente. E obra di salbashon, tantu den dispensashon di e Tèstamènt Bieu komo esun Nobo, ta meskos…. Satanas ta obra ku tur su poder engañoso pa hinka mundu den su trampa. E ta deseá pa nos kere ku e gran sakrifisio ku a keda hasí ta pa kita e lei di Dios. E ta mustra Kristu komo si fuera E ta kontra di e lei di Dios den shelu i riba tera. Pero e Soberano di mundu tin un lei ku kua E ta goberná e ser nan inteligente di shelu i su famia humano, i morto di Su Yu ta mustra e stabilidat di e lei ei sin niun duda. Dios no tin ningun intenshon di eliminá Su gran norma di hustisia. Danki na e norma aki E por definí loke ta un karakter rekto…. Ta nesesario ku tur ser inteligente komprondé e prinsipionan di e lei di Dios. Kristu a deklará pa medio di e apòstel Santiago: “Kualkier ku warda tur e lei, pero kibra ku un punto so, ta kulpabel di tur” (Santiago 2:10). E palabranan aki a keda ekspresá despues di e morto di Kristu; Por lo tantu, e lei tabata vigente pa tur hende na e momentu ei…. Hende por papia di e libertat di e evangelio. Nan por sigurá ku nan no ta katibu di e lei. Pero e influensia di un speransa (basá) riba e evangelio no ta hiba e pekadornan na konsiderá e salbashon di Kristu komo un asuntu di grasia miéntras nan ta sigui kibrando e lei di Dios. Ora ku e lus di bèrdat keda rebelá den nan mente, nan ta komprondé presis loke Dios ke di nan i nan lo reformá nan kamindanan, nan lo yega di ta leal na Dios pa medio di e forsa risibí di nan Salbador, i nan lo hiba un bida nobo i mas puru.. - Signs of the Times, 25 di febrüari 1897 1897 Amèn
Posted on: Sat, 05 Oct 2013 20:06:05 +0000
Trending Topics
Recently Viewed Topics
© 2015