Letter To The Editor Wino Tang Committee-na Mr R Rungsung-li mahei kahai Sir, Ukhrul District headquarters li okthuida khalei kala paper hi kapa samkaphang saikorana theikhavai letter hi kagapina. 1. Khare atamwui eina Wino Tang Committee kala Shanao Committee maleiranglakha medical quarters bingwui ngaruipong leisa phalunga. Atamwui shongza athishurda shim ayur-aya kachungkha sakahaira. 2. Chiwui lungli Wino Tang Shanao Committeenala R.C.C. storey khaniwui shim sakalaga NGARUIPONG saphin kahaina. Acha atamli Greenland, Wino Tang, Rayotang kala Khaiyashat Shanao bingwui vegetables open market government-na sakhami apam chili Wino Tang Shanao Committee-na SASHIM eina saphinhailaga mi khangatei khongnaiwui shim pheikhai kala yamkui pheikhailaga ngaruipong phutmi khavai khangathum plan (evil scheming) leihaowa. 3. Chiwuivang Ina Higher Authorityli petition miya dated 30-10-2013, kala apam hili rayanglaga sashim sakahai chili ngaruipong phutmihaoluda hangkahaina. Kha Tang-na action khikha makhuimana. 4. Tangnaowui lungli khonkazar marakhavai rida Tang Committee kala Shanao Committee li ngaruipong phutmi khavai petition/letter mikahaina. Tang Chairman-na Ili “Ina ngaruipong chi phutmi haoluda Shanao Chairperson li hanghaira” da awui kayangli hanga. 5. NGAHANKAMILU i) Ngaruipongwui tuishot mashok khavai Ina nathumli petition rida khami khisada action makhuima? ii) Nathumna action makakhui wuivang khonmazar khavai Higher Authorityli hangda apong phutmi haolu kachi chi khiwuivang action makhuila Ili “mahei haira” chihao? iii) Ili khamahei china ngaruipong phuthaorala? iv) Shanao Committee, Chairperson, Secretary kala Treasurer apam hili 28-10-2013 thang ralaga “Ngaruipong saphin haira ara ngateida phutmi haora” da rakahang chi khisada arui eina tangda maphutma? v) R.C.C. shim sakakali angachai inchi akhanida makhak haila 0-POINT li pakra shunlaga shim sakaka chi ayin-na mayala? vi) Office cum Hall chi ngaruipong saphinser hailaga shongfa kachi-eina zatra? vii) Ina Tangli matung khamakan kali leikhala? (Ili mahei khalailu kha ngaruipong phutmi haolu, khon mazarsa). Yours faithfully, R. Rungsung H/No. 41 Wino Tang Ukhrul
Posted on: Wed, 04 Dec 2013 06:41:48 +0000
Trending Topics
Recently Viewed Topics
© 2015