Liga MCB ta presentá awe nochi 8pm na Stadion Ergilio Hato: JONG COLOMBIA VS UNDEBA. Jong Colombia ta bin for di un derotá kontra di Centro Dominguitu i esei a pone ku despues di e promé buelta di kaya 6 nan tabata na último lugá pero awe nan a laga sa ku nan ta bin por la goma lubidando loke a pasa den e promé partido pa nan gana nan partido di awe kontra di Undeba. Norvianel Naar e maksimo goliado di e kampionato regular ku 12 gol lo bai hunga kontra su Ex ékipo ku ta Undeba. Naar ta bai bora su ex ékipo ? Naar ta bai 13 òf 14 gol awe? Aktualmente ku e partidonan di Kaya 6 inklui, Mirco Colina jr di Centro Dominguitu i Ruensely Leuteria di Centro Barber tambe tin 12 gol, esta mesun un tantu ku Norvianel Naar. Ban wak kiko ta bai pasa den e gran partido di awe. Undeba den su último partido a empatá ku nan rumannan di Banda bou Centro Barber. Nan tabata pèrdí 2 pa 0 pero nan a sa di bin bèk ora ku nan goliado máksimo Edgard " Gachi " Cassiani ( ex Centro Barber ) a tuma su responsabilidat i bora su ex ékipo 2 gol pa empatá e partido. Edgard Cassiani aktualmente tin 10 gol. E Leon orañonan di Banda bou ta bin awe desidido pa bai kas bèk ku nan tres puntonan. Boka Sami vs Soto Jong Colombia vs Undeba Goliado vs Goliado Naar vs Cassiani. Dos ékipo ku gran fanátikada ta bai topa otro awe. Kua fanatiko lo hasi mas bochincha ? Mi ke tende i evaluá kua fanatikonan lo apoyá nan ékipo mas mihó! Tribuna lo ta yená ku mas tantu koló Hel òf mas tantu koló oraño ? Ken lo sali viktorioso ? FFK i MCB, E AMIGU DI DEPORTE, ta invitá bo bin eksperensiá e gran espektakulo di futbòl aki awe nochi 8 or den stadion Ergilio Hato. Aden ta konta, pafó ta propoganda. Entrada general: fl7.50 Mucha bou di 12 i 60+: fl2.50 One Love.
Posted on: Sat, 07 Sep 2013 21:13:42 +0000
Trending Topics
Recently Viewed Topics
© 2015