Linda-in Asia Senior Championship-ah Bronze medal a la. 3rd Asian Senior Taekwondo Poomsae Championship, Tashkent, Uzbekistan, 25 - 28, May 2014 chhunga khelh a zawh takah India aiawha khel Linda Lalchungnungi, Armed Veng chuan Bronze medal a dawng. Linda-i khelhna hi Poomsae Mixed Team Category niin Team member 5 an ni a. State dang atanga inkawp thei tur mipa 3 leh hmeichhia 2 an ni. India-in Asian Poomsae championship-ah a vawi khat medal lakna a ni a. mel lung pawimawh tak an phun ta a ni. Poomsae Inelna hi Taekwondo Basic leh Exercise chawhpawlha ngaihruatna hmanga tumpuite beih dan a ni a. Fitness, flexibility leh concentration a pawimawh hle a ni. Category dangah Individual Poomsae-a khel Lalruatkima, Ramhlun Vengthar/1st MAP chu 9 na niin final round lut lovin semi final a thleng a. Female Group Category a khel Linda Lalchungnungi,Lalhlimpuii Chawnpui, T.Thangneihkimi Model veng/Excise Deptt. te tangho chuan semi final paltlang lovin uihawm takin 7 naah an tawp bawk. TFI pawhin a ngai ropui hle. A pumpuiah Iran an champion a, champion lai South Korea chu 2na an ni thung. He inelnaah hian ram 34 atangin infiammi 543 an tel. Linda leh a thiante hi ni 30 hian Aizawl an lo thlen rin a ni a, MATA leh Armed Veng khawtlang te chuan an zin ho hi ropui taka lo hmuah an tum.
Posted on: Wed, 28 May 2014 17:05:04 +0000
Trending Topics
Recently Viewed Topics
© 2015