Lishonile Mlaleli eluhlelweni lindzela tindzaba letifaka ekhatsi leletsi.....Timvula letinemandla tiyachubeka nekuna etincenyeni letinyenti takuleli. Belusito lekucala etifundzeni letahlukahlukene bacaphe simo ngeliso lalo-hheya kakhulu imigwaco, imifula legola tintsentse kanye netindzawo letakhelene nemifula. Emaphoyisa asesifundzeni sase-Mpumalanga atsi enta konke lokusemandleni awo kulwa nebugebengu lobudlangile endzaweni yase-Hazyview, kulesifundza se-Mpumalanga. Kepha nanobe kunjalo emaphoyisa atsi nebanikati betindzawo tekukhibika nekufihla inhloko nabo kumele bacinise tekuphepha njengobe linyenti letehlakalo tebugbengu tenteka emagcekeni abo. Inkantolo yetindzaba tetisebenti e-Jozi seyikhiphe umyalo lotsi sibuyiselwe emsebentini sikhulu salesikwahama sekutfutfukisa bantfu labasha kuleli i-National Youth Development Agency(NYDA) Steven Ngubeni, lobekacoshiwe emsebentini. Sihloko setfu simayelana nalesikhungo saka-NYDA sakulesifundza seMpumalanga nala sicela bonke bantfu labasha labake bahlomula kuyo basibhalele kulelibhuku lebuso nobe basishayele nasivula tincingo. Nalabo labahlangabetana netinkinga nabacela kusekelwa ngetimali kulesikhungo bakhululekile kubeka nabo umbono wabo. Sinawe emkhatsini kwa18:05-19:00
Posted on: Mon, 21 Oct 2013 15:38:17 +0000
Trending Topics
Recently Viewed Topics
© 2015