Long Time Tuffy Fi Get Buss Garfield “GG”Goulbourne A long time di man fi get buss Every talk-show an’ pon every corna, man a cuss Seh a long time di man fi get buss Cause all who get game, him couldn’t duh wuss Humble humble Tuffy… never a fight…no fuss And all when dem fi dweet but still no call up Yuh don’t hear di man a pree negative stuff All yuh can hear him seh is… “ In God me trust!” Di man medz hard Di man medz tuff. A long time di man fi get buss Now seet deh, dem gi di man a game Although most man tink di coach wooden play him And if we lose, him woulda get di blame Cause nuffa dem a seh Waterhouse and Jamaica a nuh di same But choo dem nuh know Tuffy have a aim And is not fi money and is not fi fame But is fi mek Jamaica team and di coach play him Cause is long time di man fi get buss Every talk-show an’ pon every corna, man a cuss Seh a long time di man fi get buss Now seet deh, di man get game an score Him 1 st Worl’ Cup game and look how much other striker get whole heap more An’ all now di net dem nuh bore Nuff didda talk bout him age Others wenna seh him nuh ready fi dis part of the World Cup stage But one match, one goal Who to tell we play him earlier, we woulda get whole heap more Cause a long time di man fi get buss Every talk-show an’ pon every corna, man a cuss Seh a long time di man fi get buss Jermaine “Tuffy” Anderson tuff tuff tuff
Posted on: Thu, 12 Sep 2013 04:27:45 +0000
Trending Topics
Recently Viewed Topics
© 2015