Luxemburgo : Caso de jovens cabo-verdianos ki ataca branco na comboio VIOLENCIA, MENTIRA Y VIDEO... Nu screbi “branco”, pamodi si fosse un preto talvez caso ka tinha tanto repercusson, ka ta suscitaba tanto polémica na comunicason social di Luxemburgo. Ez ê 6 jovens, 4 rapazes y 2 meninas, tudo fidjo di cabo-verdianos, ez sta ser julgados na Luxemburgo pamódi alegadamente ez ataca un passagero nun comboio entre cidade di Luxemburgo y Rodange na dia 14 di Dezembro di 2011...Sentencéa e dia 2 di Julho, 2 di ez jovens provávelmente ta ser condenados a un pena di 8 a 12 anos di cadeia... Sin , nu lé alguns jornais di Luxemburgo, y comentários també, ez ka ta da a ez jovens cabo-verdianos nen sequer beneficio di duvida, dja ez sta condenados na praça publica, so falta pa Tribunal ratifica. Fidjos da P. , macacos sem cérebro, lixo, “comentaristas” ta usa tudo nome pa desqualificaz , ku conotason racista y xenófobo...Até cabo-verdianos, ate cabo-verdianos na comenta un artigo publicado na jornal a semana ta txomaz bandidos, criminosos, piratas, alguns ate pidi simplesmente pa executaz ! (asemana.sapo.cv/spip.php?article88498&ak=1#ancre_comm ) Mas nha djenti, pamódi? Tudo alguén ka é considerado inocente até momento ki é for condenado? Riason di pessoas ta torna maz violento ora ki ez odja un video di 1 minuto y 17 segundos ki, na câmara rápida, ta mostra “assalto” di ez jovens contra ez passagero. Nhoz ta odja video na fin , é di facto violento, caso lamentável, mas ten txeu perguntas ki ta fika no ar. Foi Gabinete di Intruson Criminal di Luxemburgo ki da Policia ordi pa publica video, ê sta na Youtube, ku ki propósito? Video ê usado como prova na Tribunal, pa ké tornal publico? Só pa alimenta onda di racismo y odio anti-africanos ou simplesmente pa prepara opinion publica pa un eventual condenason di réus? Agredido é Michel Pierre, superior direito na foto, ê ta da entrevista tudo dia na jornal pa konta si verson di acontecimentos, enquanto “agressores” nunka ka foi obido. Michel ê professor, ê ta fla ma ê staba confortávelmente instalado na vagon di primera classe quando un “bando de selvagens “ ku gritos histéricos, hesteria colectivo, ê sublinha, y na menos di 2 segundos un di kez joven “cail di riba” pamodi ê pidiz pa abandona primera classe. Bon, el nen supervisor di comboio ê ka era, mas enfin, talvez e pensa ma preto ka podi anda na primera classe... Dipoz bu ta rapara na video, foi un unico joven ki primero entra na vagon , y năo un “bando” sima ê fla...Rapaz kriolo ta fla ma “professor” ka so mandal pa sai nau, també tchomal preto, y nhoz sabi, ora ki un branco nun situason di confronto ta tchoma alguén preto é sempre na kel ton pejorativo, ku kel ar di desprezo... Mas nhoz rapara na video, foi “professor” KI AGRIDE PRIMERO, rapazes , ki próprio professor ta reconhece ma staba alcoolizados, reagi .. ez reagi mal sen duvida , o ki ez fazi ka ta fazedu ...Txiga un segundo joven pa da “ajuda”, professor toma ben tomadu, ê fla ma ê bai K.O cantu bez, ninguen ka dal ajuda nen sequer ka toca alarme.. Foi violencia gratuito, sen necessidade... Un di mininas ki bu ta odja na video tambe podi ser condenado, “professor’ fla ma ê furtal cartera... Video ka ten son, mas professor fla ma grupo sta falaba un lingua ki nunka ê ka obiba.. era kriolo . Txeka video > youtube/watch?feature=player_embedded&v=o3yvMcqWPik
Posted on: Wed, 12 Jun 2013 14:53:07 +0000