Lâr ve tawh fû a kan inngaih laia kan lo la chuti lua lo tih han hriat chhuah hi chapona laka min veng turin kan mamawh ve thin. ICFAI LPS Quiz competion: “P.l. P.l. Liandinga hi khaw venga awm nge?” tih an chhang thei lo te kha nuam ka lo ti khawp a. “Thih Sak Pawh Ka Ngam!” tih lehkhabu ziaktu Zephyr Mapuia Hauhnar tia an chhan lah chuan khêl bêng meuhin Darro Kima ka lo nuihsawh a. Hman zanah, “Mafaa Hauhnar hi khawi venga awm nge?” tih an zawt leh a, “Bawngkawn” tiin an chhang mauh mai kha chu, hreh tak chungin keima damdawi khâ kha ka ei ve a ngai ta a nih kha. Chauhthubarawhah, “Kha’ngho kha chuan Shakespeare-a hi Stratford-on-Avon-ah a khawsa thin tih pawh an hre tawp na’ng,” ka ti liam ve ta mai. An hun laia English writer lar ber ber pahnih Th0mas Hardy leh Rudyard Kipling pawh kha, thingtlang khuaa inhmun vel an thlithlainaah. An khualchhawn nu nunnem tak mai chu Hardy chuan a ko hrang a. “Ka rawn kalpui-pa hi tu dang ni lovin amah Rudyard Kipling ngei a nih hi,” a han ti luam a. Chu nu chuan engtin mah a chhang lêt lo. Kipling-a a hre ngai miau lo va. A hnu-ah chu nu chu Kipling-a chuan a kheuh fâl ve leh a, “Ka pi, he hmuna min rawn hruaitu gentleman hi amah Thomas Hardy-a an tih luai luai hi a nih hi,” tiin a’n hrilh ve leh ngial a. Chu nu chuan Thomas Hardy pawh chu a lo la ngai hre chuang reng reng lo.
Posted on: Mon, 19 Aug 2013 05:08:46 +0000
Trending Topics
Recently Viewed Topics
© 2015