MANILA, Philippines - Isang tricycle driver ang nasawi makaraang pagbabarilin ng nag-iisang suspect habang ang una ay namamasada sa lungsod Quezon kahapon ng umaga. Kinilala ang biktima na si Reynald dela Cruz, 32, residente ng Harmony Road, Brgy. Balingasa sa lungsod. Base sa pahayag ng isang testigo, nag-iisa lamang umano ang salarin na naglakad lamang papalayo sa lugar makaraang isagawa ang krimen. Nangyari ang insidente sa harap ng isang drug store sa A. Bonifacio St., malapit sa 11th Avenue Brgy. Balingasa ganap na alas-8:45 ng umaga. Ayon sa isang saksi, nasa loob siya ng drug store ng makarinig siya ng mga putok ng baril mula sa labas. Agad siyang lumabas upang tingnan ang pinanggalingan ng putok kung saan tumambad sa kanyang harapan ang duguang katawan ng biktima habang nakahandusay sa lugar at wala nang buhay. PSN ( Article MRec ), pagematch: 1, sectionmatch: Ilang hakbang ang layo sa lugar ay nakita umano ng saksi ang isang lalaki na naglalakad papalayo rito. Sa kasalukuyan, inaalam pa ng pulisya ang motibo ng naturang krimen at pagkakakilanlan ng nasabing suspect.
Posted on: Thu, 20 Jun 2013 20:33:07 +0000