MANIPUR HEALTH MINISTER KUM 77 MI LEH NURSE KUM 24 MI INNEI Edited by: Me Lenlai a rual lo hi a sawirem theih kan ti a, a takin kan hmu zauh zauh a, mahse a common lutuk lo. Hmangaihna leh Inneihna-ah hian mi an inhmangaih tlat chuan kum hian awmzia alo nei lemlo. Nimin khan Manipur Health Minister, Phungzathang Tonsing kum 77 mi leh Thangaisang, kum 24 mi te chuan Evangelical Baptist Church, Paite Veng, Churachanpur khawpui daifema Pu Tonsing chenna-ah Tiam tlat e an ti. Sangte-i hi minister chhuahna, Churachandpur-a Hebron Veng nula tho hi a ni a, nurse zir zo hlim hlawt a ni. Send-off ceremony hi an Inneihna hmun, Paite Veng atanga 65Km a hla, Hebron Veng-a an hmanlai In (traditional home) ah neih a ni a, chhungkhat leh thenrual țha leh khawtual mi an kim hle. He an inneihna hi helai chhehvel titi ber hi a tling ve a, sawm ni lemlo pawh minister tar tawh tak leh a nupui naupangte te inneihna lawmpui tur hian an kal thahnem hle. Reception hi Biak In bul maia minister chenna inah neih a ni a, state Chief Minister, Okram Ibobi Singh, Social Welfare Minister, Akoijam Mirabai Devi leh ministers (hosts) bakah MLA te pawhin inneihna leh a lawmna hi an chhim ve bawk. Paite Venga minister țhenawm pakhat chuan, “Inneihna hunserh leh a lawmnaah hian ka tel ve ve a, mipui an hip khawm nasa hle a ni. He huna rawn kalte sawi tam ber chu an age factor kha a ni. a ti. Engpawhnise mi tam tak chuan an pahnih a thu, anmahni personal matter a ni tih hi an pawmpui hlawm a ni. MLA pakhat, he inneihnaa tel ve pawh in, “Ni e, he inneihna hi an kum inthlauhna avang hain news a tling a ni. Mahse engpawhnise hei hi chu personal matter a ni a, minister hian a nupui la naupang tak hi tha takin a enkawl ang chu a ti. Tonsing hian nupui hmasa, Zachhung a nei a, kum 2011 khan nat läwk em em pawh awm lovin a boral a, a nupui hmasa nen hian fanu 2 leh fapa 3 an nei hman. Thudawnna chuan minister hian amah enkawltu tur nupui a mamawh a. A laina hnaite leh amah puitu țhenkhatte inah a khawsa deuh mai mai a ni. A fate zawng zawng hi hmundangah hnathawkin an chhuak vek a, hna a thawh nasat avangin a taksa a chak tawh lo a ni, a ti. He inneihna-ah hian Churachandpur khawpui an hlim. Minister hian a nupui naupang te hi țha taka a enkawl ngei an beisei a ni. Tonsing, veteran Congress leader hi kum 1980 assembly inthlanpuiah khan a vawikhatna atan Thanlon bial atanga thlantlin a ni a. Kum 2002 atang khan Churachandpur Assembly constituency ațanga thlantlin a ni leh a ni. Chanpual hrang hrang a lo chang tawh țhin a, kum 2012 ațang khan General Administrative Department in charge a la a ni. Source: CHANCHINTHAR : WORLD NEWS
Posted on: Sat, 17 Jan 2015 11:46:52 +0000
Trending Topics
Recently Viewed Topics
© 2015