MERCY.. Amah chu a hmu apiangten nalh an tiin, a incheina leh hmai hnawihte reng reng mai chu en pawh a hlawh reng a! Kawtthlera kal vel apiang mai chuan hlim takin anmahni chu a nuih sen sen vekah ngaiin, chibai bukin,"Good morning" "Good evening" "Hello" "Hi" an lo ti zel a. Ani pawh chuan a lo ti let ve zel thin a. Mite ngainat pawh a hlawh tak zet alawm! Vawikhat chu, a kianga kal ve a, englai pawha a kuta chelhsak rengtu a pasal Mark chuan lehlam a hawi zawk hlanin Pi Leni chuan nui sâng leh tawng chuang lovin a lû a lo bûk khum leh zauh a..! Mercy chuan engahmah ngai lo ang mai chuan a kal pel ta mai a. Pi Leni chuan mak ti taka a ti lungawi lo em ni ang tia a han zawh nâk chuan... Mercy chu mitdel a lo ni reng mai a. A incheina leh engkim, midangten an en zui vawng vawng phah thinnate chu, a pasalin hmangaih tak leh lainat tak a, uluk tak maia a lo chei thin vang vek a lo ni a. A hawina lam lama amah lo chibaitute thawm awmna leh, a pasal hrilh zara hmu ve ang maia midang lo wel-come ve mai thin a lo ni reng a. Pi Leni chuan mak a ti ta em em mai a..! Ka tlin-lohna leh fel-lohnate hai dera, tlinga min lantir a, midangte thatna zara hming mawi tak min bel thintu Lalpa PATHIAN hi kei chaklo tân zawng a hlu zual bîk thin teh e..!! (mu dawn hle post :-D )
Posted on: Tue, 08 Oct 2013 19:10:14 +0000
Trending Topics
Recently Viewed Topics
© 2015