MERI KAHANI-PART 6 Dil or dimag ki jab alag alag sthitiyan hone lagti haiin us samay kisii ek ki bat sunkar koii faisla lena samajhdaari nhi hoti, faisla usi bat ko dhyaan me rakhkar karna chahie jisme gahraayi ho samajh ho, jaldwaji me liye gaye faisle hmesha dukhdaayi hote haiin ye ek kadwa sach haii ki jab dil dimag pr haawi hone lage to dil ki nahi sunni chahie parantu ek sach ye v haii k dimag ki sunne k bad liye gaye faisle se insaan bhale hi apne bhautik sukh praapt kar le kintu vyakti k man ki sthiti pr vijay nhi paayi ja sakti hmesha aadmi ka man bhatakta sa rhta haii use mansik santushti nahi mil paati haii pr jo hona hota haii wo hokar hi rahta haii use koii nahi badal sakta or har honi ka ek samay hota haii jise vidhata ne aadmi ki kundali me pahle se likh rkha hota haii or sampoorna jeewan ka lekha jokha pahle se hi nirdharit ho chukka hota haii or aaj k is part me ye ek aagami ghatna haii jo Aditya Thakur k jeewan me bahut jald ghatne waali haii………………… Ab hum station se baahar ki or chalne lage. Ab mujhe yaha is mod pr aake poori tarah se lagne laga k yaha se humare raaste ab alag alag ho jayenge pr ek bat se befikra v tha k aakhir hamari ek manjil thi jahan tak hum dono ko hi jana tha. Ab hum station se nikal bahar auto rikshaw stand pr aagye the. Or tab maine usse us bare me poochha- “to Rihan ab yaha se aage ka kya plan haii ?” “sach kahu Aditya mujhe to yahan k bare me kuch v pata nhi haii kisii auto wale se bat karunga shayad wo kisii achhii dharamshaala tak pahucha de pr aapka kya plan haii ? aap kahan thahroge ??” “ mujhe to yahin pas k hotel me thaharna haii” “ ohh achha haii to kitna bhaada lagega us hotel me 1 raat ka ??” “ Hmm Rs.800/- per nite approx ya isse jyada v ho sakta haii “ “ ye to bahut jyada haii” wo chaunkte hue bola. “haan ye to haii” Mai muskura diya or wo v. mai fir aage bola- “theek haii Rihan ek kam karte haiin pahle chalke koii dharamshaala dekh lete haiin agar theek janchii to mai v wahin ruk jaunga nahi to fir wo hotel haii hi “ Wo muskuraya or bola “ haa ye theek rahega” Or fir hum dono ne ek auto wale se bat kii wo hume saste or uchit bhhade pe dharamshala dikhane k liye taiyaar ho gya. Hum dono ne auto book kara liya. Humne auto wale se us area me dharamshala dikhane k liye bola jahan se wo jagah najdeek pade jahan hume interview dena tha or auto wale ne hume hamari suvidha k anusaar 2, 4 jagahe dikhayii jo mere hisab se kuch na kuch kamee wali thi pr mujhse v jyada uske liye ye maayne rakhta tha k usko inme se koii jagah pasand thii ya nahi, pr mujhe ye bat poochne ki jarurat nahi padi usne khud hi ye show kar diya. Uske according kahin charges jyada the to kahin system sahi nahi tha, kahin saaf safayi ki problem thii to kahin stadium jesi chahal pahal ka mahaul tha or in sab me uske negative response se mai khud v agree kar rha tha. Hume unme se koii v jagah pasand nahi aayi thi. Or tab maine use ek suggestion diya k “Rihan chal k wo hotel v dekh lete haiin agar theekthak neat n clean hygienic laga to wahin stay kar lenge, kyu kya khayal haii ?” wo chup raha or maine uski silence ka meaning haan me laga liya pr uske silent rahne k peeche jo ek reason tha wo main bhut achhi tarah janta tha. Ab humne auto wale ko wapas U turn lene ko kaha to auto wale ne ek aakhiri ummeed dikhate hue kaha “ saab ek dharamshaala or haii wo v dekh lijiyega agar sahi lage to theek nahi to fir aap log jahan bolenge mai wahan chhod dunga”. Is per mai chup raha or maine Rihan ki or dekha. Rihan ne auto driver ki haan me haan milate hue use us nayi dharmshala ki or chalne k liye kaha. Maine mobile nikalkar ghadii dekhi to time 8:50PM the. Mujhe bhook lagi thii is samay Mai generally apni family k sath dinner kar raha hota tha. Maine mobile me ek msg v pada dekha jo meri chhoti sister ka tha. Padhne se pahle hi Mai samajh gaya k ghar pr sab log mujhe lekar chinta me honge, msg kholkar dekha to wahi tha. Sister ne likha tha “ bhaii aap kahan ho ? jaipur pahuch gye ? maa chinta kar rahi haiin isliye phon karo”. Mai auto me tha isliye phone pr bat karna utna easy nahi tha isliye msg me hi reply likhkar send kar diya k “ abhi mai nite stay k liye jagah dhoond rha hu jaise hi mil jaati haii mai turant phone karta hu.” Reply bhejkar mobile wapas maine pent ki pocket me rakh liya. Itne me hi auto wala apni batayi huii us dharmshala tak le aaya. Hum dono auto se utre. Dharm shala k bahar lage hue board pr najar gayi “Paliwaul Dharmshala” Auto driver se batcheet k dauran pata chala k is per jaipur k rajwaado ka maalikana hak tha. Is dharm shala ko lekar mere man me ek positiveness or aa gyi thi k isii name ki ek famous dharmshala Delhi k Luxmi Nagar me v thi joki kaafi reputed or hygienic thi isliye mujhe yaha sab kuch sahi hone ki ummeed lagi bhale hi iska us dharmshala se link ho ya na ho. Hum dono counter pe pahuche wahan jaakar humne apni farmaaish order ki. Auto driver bahar hi khada raha. Ye dharmshala waakiyo ki tulna me kaafi bdi neat nd clean or hygienic thi. Receptionist ne room dikhane k liye ek naukar k sath hume bhej diya. Us dharmshala k andar ki saafsafayi ne hmari aankho me ek nayi chamak paida kar dii thii jo mujhse v jyada saaf Rihan ki aankho me dikhayi de rahi thii. Room 1st floor pe tha or wo naukar jiska name sonu tha hume lift se lekar gaya. Lift se nikalne k bad hi wo karma aa gya jo hume sonu dikhane wala tha. Or hum kamre k gate tak aa gye the. Sonu ne kamre ka taala khola or hum teeno kamre k andar daakhil ho gye. Kamre k andar ka najara kaafi lubhavna or attractive tha. Gate k sath hi ek attached toilet bathroom tha. Kamre me ek double bed pada hua tha jis pr mere hi fav. Color white or cream color ki bed sheet bichhii huii thi, samne ki corner pe ek tv rakha hua tha. Balcony k gate or windows pr kaafi sundar parde lage hue the. Ek almirah v bed k sirhaane ki deewar se lagi huii thi. Karma humne low budget ka order kiya tha isliye ye Air Conditioned na hokar Non AC hi tha. Ye room mujhe ek hi najar me pasand aa gya tha pr Rihan ka is bare me decision jaanna abhi waaki tha. Lekin uske face k expressions se pata chal rha tha k use v ye room pasand aa gya haii. Hum dono ne kamre k gate se lekar balcony tak kamre ka poora muaayna kiya theek usi tarah jaise k police kisii case ki investigation me kisii doubtful place ki checking karti haii. Ab us dharmshala ka naukar sonu hamare jawab ki prateeksha kar rha tha. Kamra mujhe pasand aa gya tha or mai jan gya tha k Rihan ne v is kamre ko pasand kar liya haii pr fir v directly Mai uski haan sunna chahta tha or maine apne words uske samne rakh diye “ haan bhaii Rihan! Kya kahna haii ?” “ Aditya room to theek haii pr rate v agar sahi lage tabhi kuch bat bane :/ “. Mai janta tha k Rihan jis background se haii uske anusar itne bade budget ko afford karna thoda mushkil haii pr aaj k uske sath gujre kuch ghanto k safar ne Rihan ko meri najro me ajnabi na rahne diya uske sath ek rishta sa kaayam ho gaya tha ek chhote bhaii ka or us naate se uske chhote bade budget ki parwaah karna meri responsibility thi. Mai bata nhi sakta k agar uski mother yaha mere samne hoti to mai unhe avashya hi vishwas dila pata k maa ji Rihan ab mera chhota bhaii haii or ab wo mere sath haii isliye aapko Rihan ki chinta karne ki koii jarurat nhi haii pr maine apne dil ki ye bat Rihan pr jaahir nahi hone dii aakhir na jane wo is meharbaani ka kya meaning nikalta. Khair ab hum dono reception counter pe aa gye the. Maine receptionist se room ka ek din raat ka bhaada poochha, jawab mila 450/- Mere liye ye sasta nhi pr theekthak budget ka laga pr RIHAN k hisab se ye v jyada tha kyuki yadi hum iska half half v karte to v uske budget ki Max. limit 150 se jyada bethta. Rihan ka man khinn tha pr maine uski mentally situation ki parwaah na karte hue us room ko usii charges pe lene k liye ready ho gya kyuki agar mai akela v kisii grand hotel me thaharta to v yaha se to jyada hi pay karna padta. Rihan kuch kahna chahta tha pr maine bina kuch bole hi use ek hath se ishara karke kuch pal thaharne k liye kaha or auto driver ko uska kiraya chukta karne k liye kaha jo abhi v dharmshala k bahar khada hmara wait kar rha tha. Rihan ne bahar jaake auto driver ko uska payment kar diya. Ab auto wala apne raste chala gya or Rihan v wapas dharmshala me aa gya. Idhar receptionist ne humse hamari identity k liye 1-1 photo or address proof k taur pr voter id ya koii or id proof maaga. Maine Rihan se uska photo or id proof lekar sath me 450 rupaye apne wallet se nikalkar us receptionist ko de diye. Usne tabhi ek slip banakar mujhe pakda di.maine slip lekar apne wallet me daal li k achanak meri najar Rihan k chehre pr padi. Wo kuch chintit sa pareshan dikhayi pada “ hey kya hua ? R U ok ?”. wo chup raha. Tabhi dharmshala k manager ne naukar sonu se hmara saman lekar hume room tak chhod aane ko kaha pr luggage k name pr mere pas dono kandho pr taangne wala sirf ek bag tha jisme kuch documents or 2, 4 jodi kapdo k siwa kuch nahi tha isliye use taange rahte hue mujhe koii problem feel nahi ho rhi thi so maine use mana kar diya, ab Rihan ki baari thi. Rihan ne v muskurate hue sonu ko wahi jawab diya “ no thanx mai le chalunga “. Or sonu hume usii lift se room tak leke aaya. Room ka no. tha 208. Hum room me enter ho chuke the. Humne sonu ko thanx bola or sonu ne v muskurate hue humse jane ki ijajat maagi or kaha ” sir hamare yaha khane peene ki v vyavastha haii jaipur k shaahi gharane ki dishes se lekar south Indian or har variety k khane ka arrangement haii aap chahe to is service ka benefit le sakte haiin or kisii v tarah jarurat ho to mujhe aawaj laga dijiyega mai fauran haajir ho jaunga” kahkar Sonu chala gya. Sonu k jane k bad maine apna bag kandhe se utarkar bed pe patak diya or relaxation feel karte hue bed pr is tarah se gir pada jaise k na jane kitne dino ki thakan haii.maine apne shoes v nhi khole the, or mai is tarah se pada hua tha k mera chest bed pr tha or tango k ghutno se neeche ka hissa bed k kinare se alag. Kareeb 5 minute mai usii position me pada raha. Meri najar achanak samne wall pe lagi ghadii pr padi. Samay 9 bajkar 25 minute the. Kamre me achanak mujhe kuch shaanti mahsus huii to mujhe Rihan ka khayal aaya, wo abhi v gumsum sa bed k pas khada hua serious mode me lag rha tha. Mai achank uth khada hua or usse poochne laga “what happened dude ? kuch pareshan ho ? may I help u ?” khud se bole gaye is dialogue ne mere kareeb 1 week peeche k days ko memorise kar diya. Wahi din wahi cyber café black colour ki woolen shirt pahne yahi Rihan jab kisii se internet related help maag rha tha tb mere andar k ego ka mujhse kahna k Ady bina maage kabhi kisii ki help mat karo or fir tabhi Rihan ka mere pas aakar kahna “ Excuse me bhaiya ! agar aap kuch help kar de to bda ahsaan hoga “ kitna fark haii dono hi situations me tab ek needful person mujhse help maag rha tha aur aaj mai bina maage hi kisii ki help karne ko taiyar hu. Haaaan waastb me fark haii tab mere andar ego tha proud tha pr aaj nahi or dusra ye k tab ek ajnabi tha or aaj ek aisa shakhs jise maine dost or chhote bhaii ka darja de diya haii. Ye sab sochte hue hii maine apne emotions control kiye or Rihan k jawab ka intzar karne laga. Kuch pal khamosh rahne k bad Rihan k muh ki chuppi tooti “ yarr Ady room bahut mahanga haii ye mere budget me nahi samayega “. Ohhh to ye wajah thi mahashay ji k gumsum hone ki to ab is bat se mujhe poori tarah yakeen ho chala tha k use hardam kisii na kisii bat ko leke tension me rahne ki beemari thii, Mai use tragedy king Dileep Kumar ka name dena chahta tha pr kuch sochkar mai ye bat nahi bol saka, use is samay is name ki nahi apni beemari ki dawa ki jarurat thi or tab maine uske kandhe pr hath rakha or bola “ bas itni c bat ?? “. Wo chaunkkar meri or dekhne laga. Mera bolan jaari raha “Rihan! Tu abhi v bachcha hi haii, 6 foot ka ghoda jarur ho gya haii pr abhi v tere andar ek bachchaa hi haii jo abhi tak bada nhi hua chal ab tension chhod or cool ho ja “. Mai apni bat kahke muskurane laga, mujhe muskurate hue dekhkar uske chehre pr v ek chhoti c smile chha gyi ki achank mujhe kuch yad aaya or maine jhat se uske kandhe se hath hatakar apni pent ki jeb se apna cellphone nikala or apne ghar ka landline no. dial kar diya. Phone maa ne uthaya- “ Hello “ “hello maa kaisii ho ?” “ mil gayi fursat tujhe phone karne ki “ “sorry maa kya karu rukne ka koii sahi thikana nahi mil rha tha, ab jaake mila haii to socha k aapko inform kar du “ “chal theek haii tune khana khaya “ “ kahan maa :/ abhi to aake betha hu kamre me ab jaunga “ “ theek haii aaram se khana or apna khayal rkhna, Mai subah phone karungi” “ okk maa aap v apna khayal rkhna bye “ Sach me maa ka dil to hota hi kuch aisa haii, kitni chinta hoti haii jab apne hi kaleje ka tukda kahin door chala jata pr Rihan ki maa ? usne abhi tk apni family se bat q nhi ki ? uske pas uski maa ya kisii bhaii bahan ka phone kyu nhi aaya ? kyu abhi tak kisii ne uska hallchal nahi liya aakhir wo v to apne ghar se 300km door akela aaya haii. Hum pichhle 8, 9 ghanto se sath me the pr abhi tak aisa koii mauka nahi aaya tha jisme hum ek dusre ki personal life k bare me bat karte pr is bat k piiche kya wajah thi wo sirf Rihan hi janta tha pr is waqt maine apna dhyan in sab baato se hatakar dusri jagah focus kiya. Mujhe bhook lagi thi or maine feel kiya k jab mujhe itni tej bhook lagi to Rihan ko kitni lagi hogi wo to dophar se hi bhooka haii. Maine iske liye Rihan ka dhyan is or kheechna chaha “Rihan bathroom me jakar fresh ho jaao iske bad dinner k liye chalte haiin “. “okk” Rihan k muh se aawaj aayi. Thodi hi der me wo fresh hoke aa gya, uske bad mai chala gya. Humne apne clothes change kr liye. Ab mai t-shirt or pantaloon me tha or oopar se wahi lether jacket daal li thi or Rihan ne v trouser change karke ek nitewear pahan liya or oopar se wahi grey color ki jursii daal li. Hum dinner k liye nikalne hi wale the k wo bola- “ Aditya kahan chale dinner k liye ?” “chalna kahan haii, yahi chalte haiin isii dharmshala ki canteen me “ “yar mujhe lagta haii ki ek bar market me chalke dekhna chahiye shayad koii sasta or achha restaurant ya dhaaba ho “ “kyu ? yaha koii problem haii “ “ nahi yarr pr shayad yaha kuch mahanga ho :/ “ “abe dhakkan kuch mahanga nhi hoga, 300 km ka safar karke shareer thaka nhi jo is sardii me abhi or kasrat karna chahta haii “ “chal theek haii yar yahi chalte haiin” wo kaafi rookhe andaz me bola to mai uski aankho me aankhe daal k hasne laga mujhe hasta dekh wo v hasne laga. Or humne room me lock laga diya. Canteen neeche ground floor pe thi. Neeche jaane k liye humne is bar lift nahi seediyo ka prayog kiya. Ab hum canteen me aa gye the. Canteen me bheed na k barabar thi, humne wahaan ek saaf c theethak table dekhi or jakar uski chairs pe beth gye. Table pr hi khane k menu ki list thi. Maine Rihan se uski pasand jaanni chahi pr usne koii jawab nhi diya. Jab maine kaafi jor daala to fir bolna pada “ yar matar paneer order kr do, waaki jo tumhe pasand ho wo….”. maine waiter ko bula kar matar paneer ki sabji or wo sab order kar diya jo mujhe pasand tha. Thodi hi der me khana hmare samne maujood tha. Maine table pr apni or uski plate laga kar khana serve kar diya. Humne khana shuru kr diya. Khana apni keemat k mutabik kaafi laajawab tha. Rihan ka dhyan khane ki or bilkul nhi tha, wo abhi v khud ko kaafi uncomfortable feel kar rha tha. Humne khana finish kiya. Mai khane ka bill pay karne k liye cash counter pe gaya. Rihan v peeche peeche ho liya. Maine jaise hi wallet nikala k achanak Rihan ne haath pakad liya-“ it z too much Aditya”. Wo khud khane ka bill chukana chahta tha pr is bar v mai uspe bhaari pada. Mai un rare guys me se tha jise apne frnds pe kharch karne me mauj masti karne me party bagera karne me jara v hesitation feel nahi hoti thi. Sach me apno k beech apni icchha se lutne me jo aanand milta haii wo bhala mujhse behtar kaun jan sakta haii :P . maine Rihan ko bill nahi chukane diya or Rihan v kaafi hairatangej hoke mere bare me sochne k liye majboor tha k mai ek ajnabi k liye itni meharbaani q dikha rha hu. Hum log ab canteen se bahar nikal kar dharmshala k courtyard me aa gye. Maine dharmshala k main gate se baahar ki or najar daali to dekha k baahar kaafi kuhra (fog) chhaya hua tha. Mujhe bachpan se hi kuhre me tahalna kaafi pasand tha. Meri maa hmesha se meri is aadat k sakht khilaaf thii. Ise chahe ek ettefaaq hi kyu na kaha jaaye k mujhme wo sabhi aadate thi jo meri maa ko napasand thii jaise k der raat tak dosto se phone pa baate ya sms chat karna, college k bad time se ghar na loutna etc. sardiyo me kuhre me tahalna v meri unhi aadato me shumar tha. Pr yaha mai apni marji ka maalik tha. Kisii v tarah ki roktok karne wala koii nahi tha. Pr ye v ek sach haii k us roktok or bandish me v pyar hota haii sneh or apnapan hota haii. Khair ab Mai bahar road pr tahalne k liye betaab tha. Maine apne man ki ye bat Rihan pr jaahir kar di- “ kyu Rihan kuch der bahar tahle ??? “ “ Ady pagal ho gye ho kya bahar kitni sardii ho rahi haii, ye koii tahalne ka mausam haii ?” “Arey yar kahan sardii ho rahi haii, thoda nikalkar dekhe to sahi or khana khane k bad tahalna sehat k liye v to achha hota haii “ “ yar Ady jab thodi der pahle maine bahar chalne ki bat kahi to tumhe ye kasrat lag rhi thi or ab…… :P uski ye bat sunkar mujhe hasee aa gyi or fir mai bat samhalte hue bola “ Maine just tahalne ki bat kahi haii poori market ka chhor naapne ki nahi :P “ kahkar maine uske restaurant ya dhaaba talashne waali bat pr indirectly nishaana saadh diya. Iske reaction me Rihan k muh se ek v word nhi nikla or haste hue bina bole ek silent acceptance de di. Hum dharmshala k bahar aa gye. Baahar kaafi Ghana kuhra chhaya hua tha itna k pas se 3 meter door ka v kuch clear dikhayi nhi de rha tha. Hum log road pr hi tahalne lage, or ab hmare pas ek dusre ki personal life k bare me bat krne ka samay hi samay tha. Lekin ek bar fir se ek adchan paida ho gyii thi. Mai jaise hi usse koi bat shuru kar pata k achank mere cellphone ki ring baji. Maine cellphone pocket se bahar nikala or dekha k phon mere dost Kamal ka tha joki next morning mujhe interview wale place pr milne wala tha or agli subah by bus bharatpur se jaipur pahuchne wala tha. Maine Kamal se kuch der bat ki or uska latest update jaana or thodi der k bad humne phone kat diya. Maine jitni v der kamal se bat ki us dauran maine feel kiya k Rihan mere sath us kuhre me tahalte hue kaafi uncomfortable feel kar rha tha or wo na chahte hue mere man ki bat rakhte hue mere sath tahal rha tha. Pr ab mujhe is bat ka ahsaas ho chukka tha or maine use dharmshala me wapas chalne k liye kaha. Is bar v hum lift k wajaay seediyo se hi wapas aaye the. Canteen jate samay lock Rihan ne lagaya tha isliye room k lock ki key usii k pas thii or jab wapas aane k bad taala kholne k liye maine Rihan se chabi maagne k liye us pr gaur kiya to paaya k wo apne dono haath trouser ki pocket me dale hue thand se kanpkapa rha tha. Mai kuhre me saaf dikhayi na dene ki wajah se baahar road pe use is condition me nahi dekh paya. Usne apne trouser se chabi nikali or mujhe pakda dii. Chabi lete samay mujhe uska hath haath nhi, burf ki kulfii maalum pada. Maine kamre ka taala khola, bed pr rajayi pahle se hi rakhi huii thi. Wo gate khulne k sath hi kaafi tej speed se daudta hua uchhalkar bed pr pahuch gaya or rajaayi kholkar khud ko chauband kar liya. Mai v ab kamre me admit ho chukka tha. Maine kamre ka gate band kar diya or ab balcony me aa gaya. Mobile nikalkar time dekha to 11.30 se oopar ho rahe the. Meri aankho me neend ka namonishaan nhi tha to socha k Deepak se bat kar lu or uska no. mobile ki contact list se dial kr diya. Deepak k phon pr bell jaati rahi pr usne phone pick nhi kiya. Haarkar maine mobile wapas jeb me rakh liya or kamre k andar aa gya. Ab mai bed pe letne hi wala tha parantu usse pahle kamre k gate balcony or windows ka band hona confirm kiya. Maine kamre k ek kone me rakhe hue tv ko on karna chaha or tab jaake mujhe ahsaas hua k wo kamre ki shobha badhane wala kewal ek show piece tha. Mai service k liye wahan k manager ko bula k uski complaint karna chahta tha pr us khamosh raat k sannate ne mujhe iski ijajat nhi di or fir maine jaake bed pr letna ya bethna hi uchit jaana. Or ab mai v bed pr aa gya tha, maine apne pillow ko khada karke sar ki taraf peeth k sahare laga liya tha or rajayi ko kholkar chest tk dhank liya. Mai Rihan se bat karna chahta tha lekin kaafi der pahle se mujhe ye shak ho chala tha k Rihan so chukka haii pr fir v maine use ek halki c aawaj lagayi “Rihan“ kuch seconds tak koii response na milne pr mera shak yakeen me badal chukka tha. Rihan waastb me gahree neend k jhonke le raha tha. Neend to mujhe aa nhi rahi thi to samay gujarne k baaste mai mobile me internet chala k facebook orkut bagera visit karne laga pr wahan v koii v online nahi tha or notifications check krne k bad maine mobile rakh diya or uthkar ek bar fir se room ka gate band hona confirm kiya. Maine room ki wall pr najar daudayi to time 12 bajkar kuch minute the or fir mobile ko wapas apne bed k pas wali slip pr rakh diya. Ab aake maine room ki lite band kar dii or wapas bed pr aake pillow ko usii position me rakha jisme wo pahle rakha hua tha or rajaayi ko odhkar sone ki koshish ki. Or mujhe kab neend aa gyi pata nhi chala……………………
Posted on: Tue, 10 Sep 2013 13:55:37 +0000
Trending Topics
Recently Viewed Topics
© 2015