MESTI BACO!!!..Cito yg tosangat sodih.. (jadikn iktibar yo waghih..hati2 di musim peghayoan ni).. "Abang ni, pakai la elok-elok sikit," kato Piah lombut yo sambey mombotokn pakaian Mael,Mael tesonyum kambeng momandang isteri eh. "Cantik eh isteri abang aghi ni,"Mael moncubit pipi Piah dgn lombut. "Ayah, ayah, copek la yah," Liz dan Lin melughu masuk ko dlm bilik sobab dah tak saba-saba nak pulang ko kampung.. "Yolah, yolah, ayah dah siap ni." Piah hanyo tesonyum menengok an somi eh molayan keghenah anak-anak yang comel dan manjo. "Abang, dah lamo kito tak balik kampung macam ni kan," Iyolah, maklum yo la abang ni kan sibuk dongan urusan perniagoan. Baghu kali ni abang ado peluang nak becuti panjang." Mael bekato kek isteri eh.. Peojalanan daghi KL ko Pilah mengambik maso lobih kughang ompek jam sbb jem.. Anak eh Liz dan Lin dah telolap kek kusi belakang. Begitu jgak dongan Piah, "Tak saba ghaso eh nak smpai copek kek kampung," Kato Mael dlm ati eh.. Sikit domi sodikit Mael menokan pedal minyak keto eh,Semakin lamo keto eh makin laju dan Mael makin gayat sbb dek laju eh,Mael dah tak saba nak copek sampai ko kampung eh, Pedal minyak ditokan eh laie dan Alpat 1.5 SE eh mulo molunco laju Mael moncilok ko kighi, cilok ko kanan. Habih sumo keto dipotong eh,Banggo boto deh dalam pado tu skali skalo idung eh kombang kompih dek ghiak eh smpai Telupo deh kojap kek anak dan bini eh yg sodang molansit.. "Eh bang, jgn la bwak laju2 bona ha" tibo-tibo piah menyapo sbb tejago dr leno di ulit intan. "Tak ado apo la yang rilek laa. copek skit kito sampai kampung kang." "Saba bang, saba. Bia lambek takpo do.... jangan lelaju bona bang, Piah takut haa." Piah cubo momujuk Mael supayo momporlahankan Alpat 1.5 SE eh tu. "Rileks La yang, takdo papo do," Mael toghuih momotong bas ekspres kek dopan eh tanpo was-was. "Haaa..kan, tengok. Takdo papo kan?" kato Mael lopeh dio motong bas ekspres tadi. "Dah la tu bang." "Ha... tu ha ado sebijik laie bas ekspres. Ayang tengok yo abang potong yo...." Mael toghuih masuk an gear 3, pedal minyak ditokan eh smpai teghantok ko dinding lantai Mael toghuih belok ko kanan nak momotong dan.... di dopan eh tosorgam indah kepalo sebuah lori balak yang bosa dan hensem.... ABAAANNGGG!!. "Piah....bongka nak," sayup-sayup piah tedonga sogho abah eh. Julia cubo mombukak mato polahan2 Dio nampak abah eh kek sbolah dio. "Mano abang Mael bah??Macam mano dgn laki sey bah? Liza, Linda....mano anak-anak sey bah?" Bertubi-tubi Piah menyoal abah eh. Piah tak dapek nak nahan kesodihan eh lagi. Piah monangih sekuek2 hati eh.. Abah eh menonung julia sodalam2 eh topat kek bijik anak mato eh.. "Macam mano dgn laki Piah bah, abang Mael??" Piah xbeghonti2 molalak.. PANGGG!!.PANGGG..!! Kepalo Piah di hompuk kek abah eh dongan dulang tetibo,Piah melongoh sekuek2 eh Dan betanyo,Apo ni bah sakit laa.. "bang mael hayah kau ! kau pikey,, kau handa ? nak nikah dongan goman kau cania,, dongan air lio basi ponoh kek muko,, apo yang kau pikey an ?? tu den koba jangan tido siang-siang,, kau bogik ! poie mandi ! nowww ! begoghak sokaghang !" Dan Piah tesongeh soghang2 ghaso macam nak masuk an kepalo kek dalam tin biskut yo kato dlm ati eh " :)) Dah waghih poie semayang copek.. (cito ni xdo kono mengono dgn yg idup ataupn yg dah moningga..) huikhuikhuik -Eden tekono-
Posted on: Fri, 19 Jul 2013 07:06:40 +0000
Trending Topics
Recently Viewed Topics
© 2015