MGA KABATAAN GIDASIG ALANG PAGSULOD SA PNP Mipahigayon na usab ug Information Drive ug Dissemation ang Philippine National Police Academy niadtong miaging semana dinhi sa mga tulunghanan sa dakbayan sa Dipolog ug sa silingan lungsod sa Katipunan lalawigan sa Zamboanga del Norte. Sa nasayran gikan sa Head sa Police Community Relation (PCR) sa Dipolog City Police Station nga si PI Ma. Krysthyl Agda-Hernandez, kinsa usa usab sa migradwar sa PNPA sa tuig 2010 nga sila ang mihimu ug Information Drive aron mudasig sa mga kabataan ilabina sa mga nagtungha sa 4th year sa Sekondarya ug sa kolehiyo nga muapply ug musulod sa PNPA. Dugang pa ni PI Hernandez, siya kuyog ang iyang mga kauban nga migradwar usab sa PNPA nga ani-a karon nadestino sa dakbayan sa Dipolog PNP, Municipal Police Station ug sa Zamboanga del Norte Police Provincial Office (ZNPPO) nga gilangkoban nila PSupt. Divin Ceriales, PCI Charisse Yabo ug PI Evelyn Florin sa ZNPPO, PSI Rolando Baraquio Hepe sa Katipunan MPS, PSI Mohammad Hashim Saidani Hepe sa Roxas MPS ug si PI Pocholo Guererro sa Polanco MPS ang misuroy sa mga tulunghaan sa Sekondarya, Kolehiyo ug sa Unibersidad aron musabwag og Impormasyon nga dugang mudasig sa mga kabataan sa pag-apply ngadto sa akademiya sa PNP. Sumala sa nasayran nga daghang benipisyo nga madawat ang kwalipikadong makasulod sa PNPA sama sa Full Government Scholarship, Free 4 year College Education and Training, Training Allowances ug positibong makapanarbaho pagkagradwar niini isip Police Inspector sa BFP,PNP ug sa BJMP. Alang sa dugang Impormasyon ug kasayuran kabahin sa PNPA mudangop lang sa PCR sa Dipolog PNP ug sa ZNPPO aron makakuha ug Application Form sa PNPA Cadet Admission Test u gang gikatahong pasulit gikatakda sa bulan sa Nobyembre 10. (CIO-ZSM)
Posted on: Fri, 04 Oct 2013 09:43:33 +0000
Trending Topics
Recently Viewed Topics
© 2015