MGA URI NG EXAMS. AMBON. Hindi mo halos maramdaman yung hirap ng test. Walang ka-challenge challenge para sayo. Ganito yung tipo ng quiz na gustong gusto mo kasi imposibleng hindi mo ma-perfect sasobrang dali. Sabi nga ng professor ko, kahit nakapikit kayang kaya niyo yan. ULAN. Parang seatwork lang ang dating. Normal lang, hindi ka pagpapawisan ng todo. Malaki pa ang chance na makapasa ka. BAGYO. Depende pa yan sa signal number. Nakakasagot ka pa naman sa mga tanong pero hindi ka na masyadong confident. Eto yung quiz na medyo maghihinala ka kung papasa ka ba o hindi. DELUBYO. Saksakan ng hirap ang pagsusulit na to. Alam mong may pinaghuhugutan ang professor mo pero hindi mo malaman kung saang planeta niya nahanap ang mga tanong na to. Maiiyak ka na lang sasobrang hirap o di kaya’y kausapin mo na lang ang sarili mo dahil sa pagkawindang. Hindi sapat ang oras na ibinigay sa inyo para tapusin ang pagsusulit. Babanatan ka pa ng professor mo ng “Ang dali-dali lang niyan!” TSUNAMI. Maaari mong ikamatay ang pagsusulit na to. Inaral mo na lahat ng pwede mong aralin pero nung nakita mo ang test paper, hindi mo alam kung anong magiging reaksyon mo. (Ha? Ano daw? May ganito ba? Tinuro ba niya to sa atin? Hala anong isasagot ko dito!?!?!) -Kei-
Posted on: Sun, 18 Aug 2013 04:41:54 +0000
Trending Topics
Recently Viewed Topics
© 2015