MIZORAM SCHOLARSHIP BOARD IN DISTRICT HRANG HRANGAH SCHOLARSHIP AN PE CHHUAK DAWN (28/11/2013) Mizoram Scholarship Board (MSB) hotute chuan, kum 2013-2014 atana scholarship chu vawiin leh naktuk hian district headquarters hrang hrangah pek chhuah an tum a; tun ṭumah hian higher secondary school zirlaite post matric scholarship pek vek phawt tum niin, chuta tan chuan Rs. 7,12,22,400 sen a ni ang. Post-matric scholarship hi vawiinah Kolasib, Serchhip, Lunglei, Lawngtlai leh Saihaahte an pe chhuak dawn a; naktukah Aizawl, Mamit leh Champhaiahte pek chhuah a ni ang. HSS zirlai scho pek turte hi an vaiin zirlai 15,461 an ni a, chung mite dawn tur belhkhawm chu Rs. 7,12,22,400 a ni. MSB secretary, Dr Rualthansanga chuan, tun ṭumah hian post matric scholarship leh pre-matric scholarship an sem chhuak dawn tih a sawi a, Amaherawhchu pawisa daih chin higher secondary school chin hnuai lam chauh pek an ni rih ang, a ti. Kuminah hian scholarship atana sorkar laipui aṭanga pawisa hmuh chu cheng nuai 886 a ni a, HSS zirlaite hnenah nuai 712 sem ral a ni dawn a; pawl 10 hnuai lam zirlaite (pre-matric scholarship) hnenah leh Polytechnic pahnih leh ITI-ahte pek a ni bawk ang. University leh college zirlaite dawn tur chu Central-ah nawr mek a nih thu, MSB secretary chuan a sawi Hetih lai hian, academic session kal lai mekah zirlai 53,614 hnenah scholarship chi hrang rang pek tur a ni a, chuta sum pek tur zat chu Rs. 13,28,02,500 a ni. Zirlai 53,614 zinga 35,544 chu a dawng tawh (renewal) an ni a, mi 18,071 chu a dawng thar tur (fresh) an ni. 2013-14 HSS scholarship District Student Total amount Aizawl -10,363, Rs.4,49,88,500 Lunglei - 2,088,Rs.1,00,04,700 Champhai - 1,070, Rs. 41,59,000 Kolasib - 588, Rs. 22,41,000 Serchhip - 588, Rs. 25,63,200 Saiha - 587, Rs. 25,22,500 Lawngtlai - 953, Rs. 38,44,000 Mamit - 224, Rs. 8,99,500 Total - 16,461, Rs.7,12,22,400 2013-14 Mizoram scholarships (pre matric) District Student Total Amount Aizawl - 19,536, Rs. 4,96,08,000 Lunglei - 7,994, Rs. 1,88,26,500 Kolasib - 4,866, Rs. 1,15,72,500 Champhai - 4,989, Rs. 1,24,23,750 Serchhip - 4,325, Rs. 1,09,95,750 Mamit - 3,076, Rs. 74,67,000 Lawngtlai - 5,506, Rs. 1,32,13,500 Saiha - 3,276, Rs. 85,44,000 Outside Mizoram - 46, Rs. 1,51,500 Total - 53,614, Rs. 13,28,02,500
Posted on: Thu, 28 Nov 2013 03:03:18 +0000
Trending Topics
Recently Viewed Topics
© 2015