MNF LEH ZU Sual tinreng bul chu sum ngainat a nih thu Bible ah kan hmu a. (1 Tim 6:10) MNF sual tih leh Bible in sual a tih hi a inang lo chu a ni phawt mai. Zu in hi kan Lalpa khan a dem miah lova, Kana inneihnaah khan dem ahnekin a tipung hial zawk a ni. Ephesi 5:8 ah hian zu rui lo turin Bible in min ti a. Zu ruih hi thil thalo tak chu a ni. Hlawkna a nei tlem hle. Chanchin Tha Luka ziak 7:33-34 kan en chuan heti hian a inziak: Baptistu Johana chu a lo kal a, chhang a ei lo va, uain pawh a in lo va, nangnin ‘Ramhuai azawl a nih hi,’ in ti a. Mihring Fapa a lo kal a, a eiin a in a, nangnin, ‘En teh u, chaw heh mi, uain heh mi, chhiahkhawntute leh mi sulte thian saw!’ in ti si a. Lal Isua hian Baptistu Johana zu in loh thu leh aman zu (fermented wine) a in thin thu chiang takin a tarlang a. Zu chu a in thin avangin sakhaw hruaituten zu heh mi tia an puh thu te pawh a sawi a. Zu a in avang hian zu ngawl vei, zu heh tiin Juda sakhaw hruaitute khan an lo puh tih Lal Isua thusawi atang hian a chiang hle. Mahse, zu heh mi a ni lo tih Ama nun kan enin kan chiang. 1 Petera 2:22 ah Ani chuan thil reng a tisual lo va tiin Lal Isua chungchang kan hmu. Zu a tem chauh nilovin, zu a in thin a, chuti chung pawha thil a tisual lo tiin Bible in a sawi si chuan zu in hi sual a ni reng reng lo tih Bible atangin kan hmu thei. Zu in sual anga sawi Kohhran hruaitu reng reng chu Bible an zirchiang lo tihna a ni. Chaw ei hi sual ti ta se, a in ang reng. MNF hruaitute hian an pawl dintu an zahlova, awmze nei lovin zu chungchangah hian an mi leh sa te an fuihpawrh chiang hle. MNF MLA thin, MLA inthlan hnuhnung bera candidate pawh ni leh pakhat chu chhun pachangah a zurui lai ka hmu tawh. Ani phei chu a tawng reng reng lovang tih a sawi ngam. Zu hi sual a ni lova, sual tinreng bul phei chu a ni lo hrim hrim. Ruih theih, chhungkaw chhiatna thlen thei lian tak erawh a ni. Phalrai chi a ni reng reng lo. Sap ho tak hian a nia khuahkhirh nasa chu. MNF, kan rama sorkarna chelh tawhtute leh alternative government anga inchhal te hian he thilah hian lem chang lo se, Congress sorkar aia an thatna tur hi mipui min hrilh rawh se. A nih loh chuan MNF ah hian mipuiin rinna kan nghat ngam chuang lo. Pu Hawla hi dawt sawi hmang, mawhpuh tur zawn ching, rorel fello tak ni mah se, Pu Zorama hi kan it chuang hlek lo. MNF te hian zu hi do lovin Pu Laldenga philosophy kha vuan tlat zawk rawh u. Zu chungchanga Pu Denga ngaihdan kha khawvel huap pawha policy/philosophy rintlak a ni e. Lo at der a hun lo. MNF te pawh in MLA hlui pakhat anga zu in duh ve tho in nih phei chuan.
Posted on: Sat, 17 Jan 2015 06:37:47 +0000
Trending Topics
Recently Viewed Topics
© 2015