MORNING REPORT : 01.02.2014 INRINNI (Zonet Zing Daifim, 7:30 a.m.) Police Report : Tukin hian Kulikawn Police Station tih loh Police Station leh Out Post kan biak thin dangte chu kan be kim thei a. Kan hriat theih chinah nizan lamah thil thleng duhawmlo sawi tham a awm lova. Lock Up ruak 4 a awm a ni. Aizawl Police Station ah tang mipa 6 lewh hmeichhia 1 neiin mipa zinga 3 te chu damdawi ruihtheih mansak vanga tang an ni a, hmeichhe awmchhun pawh hi pseudoephedrine chungchanga rinhlelh man a ni a. Mipa dang 3 te chu khawm case a man an ni thung. Vaivakawn PS ah tang mipa 5 neiin an zinga 3 chu rukrua rinhlelh an ni a, 2 dang chu family case a tang an ni. Lunglei Police Station a tang mipa 5 an kawl zinga 3 chu January ni 30 a Lunglei-a an man, Manipur hel pawl pakhat KLA an ni a, anmahni rawn la tura lo kal Manipur Police te kutah tukin hian an hlan. Tang dang 2 te chu zurui an ni. Champhai PS ah GM HSS Office rawktu-a puh mipa 2 an man a, Xerox Paper ream 3 (thum) an la a ni. Bawngkawn PS ah rukruk case nei remand mipa 1 kawlin, Zonuam Out Post ah family case a hren mipa 1 an nei a. Serchhip PS ah zuruih vanga man mipa 1 kawlin, Mamit PS ah ruihsual vanga man mipa 1 an kawl bawk. Traffic Report : Nimina Aizawl a Traffic Rules bawhchhia man zat : Two Wheeler 16, LMV 7, Taxi 8, Bus 1, HMV 1, fine tlingkhawm Rs. 18,900/- Hospital Report : Nimin tlai dar 5 atanga tukin dar 7 thleng khan Aizawl Civil Hospital Casualty ah emergency case 67 an nei a; mitthi an awm lova. Nizana Civil Hospital Casualty pantu zingah hian naupang kawthalo luak khawsik leh puitlingah pumna an la tam ber ta zel a. Khum ruak a awm lova. Emergency & Labour Room ah nau piang 13 awmin, mipa 6 leh hmeichhia 7 an ni a, an zinga hmeichhia 1 chu zai chhuah a ni a, vawiina nei tur 4 an awm bawk. Synod Hospital Durtlang ah nizan khan emergency case 20 neiin heng zinga 11 chu admit an ni a; mitthi an nei lo. Nizana Synod Hospital pantu zingah hian naupangah kawthalo khawsik, puitlingah pumna an la tam ber zel a; ICU ah na zual enkawl mek 5 awmin khum ruak 1 a awm a. Ward hrang hrangah khum ruak tlem tlem an nei a; Lawmna Ward ah nau piang 2 awmin mipa leh hmeichhia an ni a, vawiina nei tur 3 an awm bawk. Aizawl Hospital ah mitthi 1 leh nau piang 1 neiin Cabin an full a. BN Hospital ah nau piang 1 neiin Cabin an full bawk. Greenwood Hospital ah te, Nazareth Hospital Ramhlun North ah te, New Life Hospital ah te, Care Hospital ah te, Alpha Hospital ah te khum an full a. Bethesda Hospital ah te, Grace Nursing Home ah te, Adventist Hospital ah te Cabin an full a. Lunglei Civil Hospital ah nizan khan emergency case 19 neiin nau piang 2 an nei a, khum an full lo deuh a ni. Power : SLDC atanga thu kan dawn danin, nimin chhun dar 12 a phai lam atanga power kan hmuh tlem lai berin 44.28 MW kan hmu a, kan hmuh tam lai ber nimin tlai dar 5:30 khan 64.88 MW kan hmu a. Tualchhunga siam chhuah 7.7 MW nen kan hman zawng zawng 72.58 MW a ni. Eastern Region ah 400 KV shutdown a nih avangin over draw an phal lova, power kan indaih loh avangin nizan zankhua leh tun thleng hian load shedding siam a ni a, Line chhia report erawh a awm lo.
Posted on: Sat, 01 Feb 2014 02:13:30 +0000
Trending Topics
Recently Viewed Topics
© 2015