MORNING REPORT : 07.10.2014 THAWHLEHNI (Zonet Zing Daifim 7:30 a.m.) Police Report : Tukinah Police Station kan biak thinte zingah Mamit bawk kan la be thei lova. Kan hriat theih chinah nizan lamah thil thleng duhawm lo sawi tham a awm lova. Lock Up ruak 6 a awm a. Tang zawng zawng belhkhawm 16 zingah hmeichhia 2 an tel a, Police Station 2 ah family case a tantir mi 5 lai an awm leh a ni. Aizawl Police Station ah tang mipa 4 leh hmeichhia 2 an nei a, mipate hi rukruk vanga man an nih laiin hmeichhe 2 te hi khawm case a man an ni thung. Bawngkawn PS ah veng hrang hrang mi, family case a tantir mipa 4 lai an kawl a. Kulikawn PS ah tang mipa 2 neiin pakhat zawk chu family case a ni a, pakhat dang chu rinhlelh man a ni thung. Saiha PS ah zuruih vanga man mipa 2 an kawl a, Vaivakawn PS ah rinhlelh man mipa 1 kawlin, Champhai PS ah remand mipa 1 an kawl a ni. Traffic Report : Nimina Aizawl a traffic rules bawhchhia man zat : Two Wheelers 17, LMV 8, Taxi 6, fine tlingkhawm Rs. 10,800/- Hospital Report : Nizanah Aizawl khawpui chhunga hospital 4 ah mitthi 7 lai an awm a, mitthi tam zan tak a ni. Nimin tlai dar 5 atanga tukin dar 7 thlengin Aizawl Civil Hospital Casualty ah mergency case 71 an nei a, mitthi 2 neiin pakhat zawk chu naute a ni a, pakhat dang chu thisaa lak a ni. Nizana Civil Hospital Casualty pantu zingah hian pumna an tam ber a, uiseh 2 awmin, zurui medical an awm loh zan a ni. Khum ruak a awm lova; Emergency & Labour Room ah nau piang 9 an awm a, mipa 2 leh hmeichhia 7 niin zai chhuah an awm loh zan a ni a, vawiina nei tur 6 an awm bawk. Synod Hospital Durtlang ah nizan khan emergency case 26 an nei a, khum ruak an neih loh vangin mi 5 chauh an admit thei a. Mitthi 1, thisaa lak an nei a. Nizana Synod Hospital pantu zingah hian puitlingah pumna leh khawsik an tam a, naupangah khawsik an tam bawk. Khum ruak an nei lova, Corridor ah damlo 4 an kawl a. Cabin full-in ICU ah na zual enkawl 4 an awm a ni. Lawmna Ward ah nau piang 11 awmin mipa 4 leh hmeichhia 7 an ni a, vawiina nei tur 5 an awm bawk. New Life Hospital ah mitthi 2 leh nau piang 1 neiin khum an full a. Aizawl Hospital ah mitthi 2 bawk neiin Cabin leh Semi Cabin an full a. BN Hospital ah nau piang 2 neiin Cabin an full a. Greenwood Hospital ah nizan khan OD mipa 2 leh hmeichhia 1 an lo chhan a, khum an full a. Adventist Hospital leh Care Hospital ah te khum an full bawk a, Aizawl khawpui chhunga hospital dangah Cabin an full vek hlawm. Lunglei Civil Hospital ah nizan khan emergency case 35 neiin mitthi an nei lova, nau piang 1 a awm a. Nizana Lunglei Civil Hospital pantu zingah hian uiseh 1, accident vanga hliam nei 3 leh malaria 2 an tel a, khum an full a ni. Power Report : State Load Despatch Centre (SLDC) atanga thu kan dawn danin, nimin leh nizana power kan hman tlem lai ber, nimin zing dar 4 a kan hman zat 27.88 MW a ni a. Kan hman tam lai ber, nimin tlai dar 5 a kan hman zat 67.6 MW niin tualchhunga siam chhuah 7 MW nen kan hman zawng zawng 74.6 MW a ni a. Frequency leh schedule hniam vangin zan tir lamah Load Shedding siam a ni a, zan dar 9 ah eng pek theihna chinah chuan pek kim a ni a. Line chhia report a awm lo. LPG REPORT : Mualkhang LPG Bottling Plant atangin report kan dawng lova. Ni 06.10.2014 zing dar 6:30 leh 07.10.2014 zing dar 6:30 inkar chhunga Borkhola, Assam atanga LPG phur motor, Vairengte Supply Check Gate a in report te : Guwahati atangin Mualkhang ami tur Bullet Truck 8 (pariat)
Posted on: Tue, 07 Oct 2014 02:15:02 +0000
Trending Topics
Recently Viewed Topics
© 2015