MORNING REPORT : 17.10.2014 ZIRTAWPNI (Zonet Zing Daifim 7:30 a.m.) Police Report : Tukinah Vairengte tih loh kan biak thin Police Station dangte chu kan be kim thei a. Kan hriat theih chinah nizan lamah thil thleng duhawm lo sawi tham a awm lova. Lock Up ruak 5 a awm a. Tang zawng zawng belhkhawm 39 zingah hmeichhia 1 a tel a ni. Aizawl Police Station ah tang mipa 8 leh hmeichhia 1 neiin a tam zawk khawm case a man an ni a, midangte chu rukruk vanga man leh remand te an ni a, hmeichhe awmchhun hiu rukruk vanga man, remand a ni. Serchhip PS ah tang mipa 8 kawlin an zinga 7 chu rinhlelh man an ni a, pakhat dang chu zuruih vanga man a ni. Bawngkawn PS ah rukruk vanga man mipa 6 an kawl a, Lunglei PS ah tang mipa 5 neiin 4 chu khawm case a man an ni a, 1 dang chu rukru a ni thung. Vaivakawn PS ah tang mipa 4 neiin 2 chu rinhlelh man an ni a, 2 dang chu motor battery ruk chungchanga man an ni. Mamit PS ah remand mipa 2 kawlin Kolasib PS a mipa 2 an kawl zinga pakhat zawk chu DCSO office a LDC a ni a, tunlaia buhfai tihchingpen lar taka inhnamhnawih veah puh a ni. Champhai PS ah tang mipa 2 neiin pakhat zawk chu nimin lama silaimu 5,000 an mansak Nanggotuang (56) s/o. Thangchinkhup, Tahan B Group, Myanmar a ni a, tang dang 1 chu rukru a ni thung. Traffic Report : Nimina Aizawl a traffic rules bawhchhia man zat : Two Wheelers 26, LMV 9, Taxi 16, HMV 2, fine tlingkhawm Rs. 25,500/- a ni a, kumin chhunga ni khat thilthua fine tlingkhawm tam ber tum a ni mai thei a ni. Hospital Report : Nimin tlai dar 5 atanga tukin dar 7 thlengin Aizawl Civil Hospital Casualty ah emergency case 80 an nei a; ward ah mitthi 1 an nei a. Nizana Civil Hospital Casualty pantu zingah hian pumna an tam ber a, lirtheia chetsualna lama hliam tenau nei an awm nual bawk. Uiseh leh thil dang seh an awm loh zan a ni a, OD hmeichhia 2 leh mipa 1 an hruaite chu an lo chhan thei hlawm. Khum ruak a awm lova; Emergency & Labour Room ah nau piang 20 awmin, mipa 12 leh hmeichhia 8 an ni a, an zinga mipa 4 leh hmeichhia 2 chu zai chhuah an ni a, vawiina nei tur 10 an awm bawk. Synod Hospital Durtlang ah nizan khan emergency case 22 neiin heng zinga 14 chu admit an ni a, mitthi 1 an nei a; nizana Synod Hospital pantu zingah hian puitlingah pumna leh naupangah kawthalo leh khawsik an tam a, Ortho ward ah khum ruak tlem bak ward dangah an nei lova; Cabin full-in ICU ah na zual enkawl 4 an awm bawk a. Lawmna Ward ah nau piang 16 awmin mipa 4 leh hmeichia 12 an ni a, vawiina nei tur an awm rih lo thung. New Life Hospital ah nau piang 3 neiin khum an full a. BN Hospital ah nau piang 2 neiin Cabin ruak an nei a. Bethesda Hospital ah nau piang 1 neiin Cabin an full bawk. Greenwood Hospital ah te, Care Hospital leh Alpha Hospital ah te khum an full a, Aizawl khawpuia hospital dang zawngah Cabin an full hlawm. Lunglei Civil Hospital ah nizan khan emergency case 15 neiin pumna an tam ber a, nau piang 1 awmin khum an full a ni. Power Report : State Load Despatch Centre (SLDC) atanga thu kan dawn danin, nimin leh nizana power kan hman tlem lai ber, nimin zing dar 2:30 a kan hman zat 29.4 MW a ni a. Kan hman tam lai ber, nizan dar 6 a kan hman zat 69.9 MW niin tualchhunga siam chhuah 7.4 MW nen kan hman zawng zawng 77.3 MW a ni a. Load Shedding siam lovin eng pek theihna chinah chuan pek kim a ni a. Line chhia report dawn a ni lo bawk. Tukinah load shedding tlem siam a ni thung a ni. LPG REPORT : Mualkhang LPG Bottling Plant a\angin LPG Report kan dawng lova. Ni 16.10.2014 zing dar 6:30 leh 17.10.2014 zing dar 6:30 inkar chhunga Borkhola, Assam atanga LPG phur motor, Vairengte Supply Check Gate a in report te : 1. V. Neihkunga Gas, Aizawl ta tur Truck 2 phurh cylinders 576 2. Zoram Indane, Aizawl ta tur Truck 1 phurh cylinders 306 3. Biakkungi Gas, Aizawl ta tur Truck 1 phurh cylinders 306 4. Assam Rifles, Aizawl ta tur Truck 1 phurh cylinders 306 5. Vanbuangi Gas, Aizawl ta tur Truck 1 phurh cylinders 306 6. Fidelia Gas, Hnahthial ta tur Truck 1 phurh cylinders 306 7. Mamawia Gas, Khawzawl ta tur Truck 1 phurh cylinders 306 7. Guwahati atangin Mualkhang ami tur Bullet Truck 3 (pathum) POL REPORT : Guwahati to Mizoram 1. High Speed Diesel Truck 13 phurh 156 KL 2. Motor Spirit Truck 5 phurh 60 KL 3. SKO Truck 6 phurh 72 KL
Posted on: Fri, 17 Oct 2014 02:18:50 +0000
Trending Topics
Recently Viewed Topics
© 2015