MOTIVASUN ESTUDA HODI HALAKON FUNU MALIRIN IHA AULA LARAN ENTRE MESTRI NO ALUNUS . Motivasaun mak kondisaun neebe hamosu atetude (behavior)mruma, fo dalan (way) no haforsa (persistence) ba hahalok nian Haktuir formulasaun iha leten motiva hanesan fator dinamis, ekpresaun ema ruma hakarak atu halo (desiring) no hahalok mosu mai husi motiva ruma. Maibe bele mos mai husi motiva oi-oin, motivasaun estuda importante tebes ba ema hotu iha moris loron ba loron, kulia kona motivasaun estuda, hanesa fo ispirtu boot ba ema ruma neebe hakarak atu aprende buat ruma. Motivasaun bele mai husi ema pesoal ida-idak neebe hanaran motivasaun intrinsic no motivasaun mai husi ema seluk neebe hanaran motivasaun extrinsic .Motivasaun estuda makaas mak nudar motivasaun ba ema neebe hakarak atu aprende buat ruma (something) ho diak tuir objetifu no too nia fatin lolos kata motiva nee bele mai husi ita nia-an no motiva husi ema seluk. Hakerek nain hakarak atu dehan katak dadaun lakon hela motivasaun atu aprende iha aula laran ka susar tebes atu adapta kona prosesu aprendizazem iha fatin aprende nian, tanba lanu hela ho lian kahur malu hanesan lian ingles, lian tetun, lian pertuges no lian indonezia neebe Bapak Guru no Ibu Guru sira hanorin kona materia lisaun ruma, susar tebes mai hau no kolega seluk mak agora dadaun aprende no estuda liliu iha area teknika nian, karik “ladun susar ba kolega sira neebe iha lian sikat subar” lian sikat subar katak ita hatene diak (mahir) lian ida husi lian kahur malu iha leten, hanesan lian ingles, ka lian tetun, ka lian pertuges no lian Indonezia. Lian sai nudar instrumentu ida neebe importante atu bele tatoli no transfer matenek ba ema seluk. Husi problema nee aprende nain no hanorin nain sai dilematiku tebes ba prosesu nee, sekarik ho probelma nee mak alunus ho mestre nonok no lakoi atu nakloke ba malu mak sei bele halakon ispiritu. Hanorin nain no aprende nain sira no ikus fila ema ida-idak sei iha sentimentu ho pergunta oi-oin neebe ba sira nia-an (self question) “ karik, hau mak hanorin ladun diak ka sira mak lakoi atu aprende duni?” Karik hau komprende maibe hau sei dauk hatene deit nee? Emosaun husi hanorin nain no aprende nain mosu tebes iha aula laran , ikus bele iha mak “biasa tiha deit sa,,, ehhhhhh sai fali Top down neebe hamosu identidade iha aula laran , katak “hau mak mestri no hau mak alunus” lack of confindence nee hatudu katak motivasaun hanorin no aprende komesa atu lakon dadaun ona kona prosesu aprendidazen nian, se situasaun nee lao “ Bebeik hanesa ita bele geger pa”! Hakerek nain hakarak koko hodi haree (observe) ema neebe lakon motivasaun tanba deit lian kahur malu (mix-up). Tuir deit hau nia persepsaun katak hamosu no kria duni kondisaun neebe ladun saudavel iha prosesu aprendizazem Husi hanorin nain sira mak ladun fo falor atu hanorin diak ho materia ka lisaun iha aula laran. Dala ruma sira obrigaan loss atu hodi “ esplika lia fuan balun naruk par mate “ Nudar aprende nain hakarak atu dehan sai husi esperensia furak ruma kona ba zeitu koloradu(warna-warni tingkahlaku ) entre hanorin nain no aprende nain. Bainhira haree hahalok husi hanorin balun nia Zeitu (style) mak dala ruma ; rentus namkurut , dada iss nakunu ho stress, voice ka lian kotu- kotu,= dala ruma lian kiik no boot kahur malu , matan ladun fokus atu haree alunus sira nia oin , se demais liu buka Zeitu oinsa atu bele halo sangsaun fiziku no sangsaun lisaun nian no hakarak tempu atu hotu lalais bainhira hanorin tanba deit buka lia fuan atu lahetan ona. Sa tan kondisaun alunus sira kakutak kapta menus (daya tangkap kurang), ikus mai mestri rasik komprende mesak deit husi nia esplikasaun, depois mestri husu” komprende ka la komprende?” pastilah alunus nonok hotu, no sai fali konfuzaun mesak (binggung sendiri) husi mestri sira., se karik ita observa situasaun nee atu dehan saida? ” beik xa ” Lian kahur malu nee provoka tebes ba ema nia espiritu talentu hanorin nian, dala ruma sei bele afeita ema nia kondisaun fiziku no sentimentu no halo ema sira mak pahlawan tanpa tanda sai menus esperensa (patah hati =fuan tohar), dala ruma fo presaun psikologia mak hanoin sae tun ka ladun fiar –an (PD), ikus mai atu mengalah tiha deit. Karik deit tuir hau nia observa katak, Dala ruma hanorin nain sira wainhira atu tama iha aula laran hanesan fali fatin inferno nian fali neebe manas tebes halo kosar metan sulin, hamrok no ulun moras no ikus mai objeitifu targeitu esplikasaun latoo nia fatin. Dala ruma mos mestri la fo tempu atu halo alunus sira husu pergunta. Hetok at liu tan Sentimentu ladun kontrola no laiha balansu hodi la tuir dalan (intensitsas perasaan yang tidak terarah dari seorang pengajar.) sai fali nar-naran deit (asal asalan) hanorin kona ba materia ka lisaun ruma. ikus mai mestri no alunus sai kolen hotu hodi putar sira nia kakutak kondiasaun ita sei dehan “capeh deh no kacian de lo” Ho situasaun no kondisaun hanesa nee, hannorin nain sira atu lori aprende nain sira ba neebe los? Tuir ita hotu hatene katak mestri lakohi nia mak atu hatene liu maibe nia hakarak nia alunus mak hatene liu mestri, ikus mai tan deit lian kahur malu ka bahasa komat –kamit halo mestri no alunus jadi perang dingin iha aula laran. Hakerek nain moss dalabarak sai duni vitima ba lian neebe hamosu situasaun hanesa agora dadaun nee, no dun fali ba mestri sira mak hanorin ladun diak fali, afinal lian membatasi mestri sira atu transforma matenek ho diak ikus mai ba fali “ tama sala foti maten (tasafoma) ” Hakerek nain mos dala ruma zeitu komik no “ zeitu furak loos mak nee” ; Atensaun no haree (observable) menus. Ibun loke luan hodi kleok tun sae , hakerek mestri nia esplikasaun latuir dalan hanesa fali ema foin mak aprende ABC, ulun moras iha aula laran, kulia bisuk- bisuk ba malu, no kosar metan sai hela deit. Hetok at liu hakfodak hodi nakdedar no fuan tuku-tukun (jantung berdebar-debar) derpenti bainhira mestri husu pergunta; lahatene tiha, hatudu hahalok kapas loss ho ” senyum malu-malu kucing bainhira hateke mestri nia oin! , isin la katar mos koi tiha deit, ummmm- ammm too hotu tiha deit” dala ruma buka Zeitu hodi mengalihkan perhatian husi mestri sira incaran pengunta, tan deit la komprende ho lian fuan balun neebe mestri esplika. Ami “ nia zeitu oan nee deit mak foti maten xa” Hetok at liu situasaun nee halo Pola logika menus husi alunus sira nia hanoin atu kapta ladun diak ka menus liu, tanba deit Indra nian balun (panca indra) Lao ladun diak, hanesan rona, kapta, haree no hakerek lisaun. Bele-bele (bisa-bisa) “mai tur hakerek depois fila” nantinya Lisaun neebe fasil sai difisil iha aula laran, depois fila ba uma ho ibun mura-mura tutuir dalan too hotu tiha deit. “ O nia masin kaut mak nee bro ” Hakerek nain mos sempre halo observasaun maksimu no espesifiku ba belun sira. ho meus kommunikasaun nian, se ita kulia kona kommunikasaun la seluk la leet ida katak ita halo komunika verbal ba malu entre mestri no alunus, meus kommunikasaun neebe mak diak iha prosesu aprendizazem mak hanesan kommunikasaun agresifu, katak ema neebe sempre kulia barak no aktifu tebes hodi halo no husu pergunta ba mestri, maske strutrura liafuan neebe la tuir dalan husi pergunta, hahalok agresifu nian mak matan fuan lakan boot ka naklosu, halo ibun kleuk tun sae, liman la hakmatek, lian makaas iha aula laran, ho nia hanoin katak nia mak matenek liu, no hakarak nia mak atu domina hotu iha aula laran hodi kulia “kaben boot liu” Komunikasaun asertifu mak ema neebe nonok liu, pasifu tebes, lahos katak problema ho indra nian ka moras hanoin ruma, maibe nia iha senteimentu ida neebe moe tebes, kommunikasaun asertifu nia zeitu mak, susar atu kulia, lian nakdedar, kulia mamar, sempre tur iha kotuk, gosta tama uluk ba aula laran, kosar sai hela deit, hakfodak bebeik, lakoi atu husu pergunta maske iha pergunta. Asertifu iha forsa nebee uniku loss mak” nonok-nonok Han laran nee (DDMD)” dalaruma resultadu izame sempre diak, interesante (menarik) tebes tanba high dignity. no“ Matenek-matenek subar -an=pandai-pandai menutup diri” Kommunikasaun submisifu katak ema neebe iha kbiit t hodi dezenvolve ema seluk nia hanoin hodi kulia ka halo tuir ema nia hanoin, kammunikasaun submisifu nia zeitu mak gosta atu tetu ema nia hanoin, tauk atu foti desijaun, gosta tabele ba ema neebe iha kbiit ruma, ninia furak mak “Matenek-matenek hodi tama klaran, ita bele dehan katak traidor boot ida ka munafik luar biasa” gosta aumeta” (suka tambah- tanbah) Husi meus kommunkasan tolu iha leten (ASA) ASERTIFU SUBMISIFU no ASERTIFU, bele mos ita uja iha prosesu aprendizazem iha aula laran, bainhira atu kria kondisaun neebe diak no aktifu ita tenke uja kommunikasaun 3 nee hotu ho diak, naran katak labele uja zeitu neebe iha. Se aula laran mak iha kommunkasaun nee mak la kahur malu entaun ita labele fo valor transfer matenek ho diak, tenkiser iha duni balansu situasaun, hau tauk deit ema hotu-hotu iha meus kommunikasaun oin ida deit (onethig) iha aula laran. Tuir hau nia haree katak meus kommunikasaun tolu sempre iha bainhira ema halo inkontru, seminar, serbisu hamnutuk no hanorin iha aula laran ruma, Maske meus kommunikasaun nee fo valor diak ona maibe Lian kahur malu hamate buat hotu-hotu maske mestri no alunus toman ona malu, ikus mai alunus la komprende no mestri lahatne kona oinsa mak atu formula lia fuan ho diak hodi adapta alunus sira nia kompredensaun ikus mai halo Funu Malirin Entre Alunus Ho Mestri Iha Aula Laran(perang dingin antara pengajar dan pelajar) Nafatin ami sempre terus ho lian kahur no hakarak foti ezemplu kiik ida neebe realidadee iha fatin aprende nian. Atu hakarak dehan tan katak husi kolega lubun boot iha neebe remata ona eskola iha tinan akademku 2011 atu bele dehan katak lahetene hotu oinsa atu hakekerek textu ida, sa tan halo makalah. lian portuges ladun hatene, lian tetum ladun hatene, lian indonezia ladun hatene, no lian portuges ladun hatene; tan deit hatene lian to nia klaran-klaran deit ( tahu setengah saja) ikus mai alunus halo serbisu ruma kona lisaun balu dala ruma foti iha internet copi and paste deit. Se lahatene dalan mak nee ona “ kopi la kopi kopi tia deit” apa lagi halo esplikasaun kona ba lissaun (tampil makalah) lee deit mak baa “ lee lamate lee tiha deit”, hau bele dehan katak ita hatene lian kahur malu nee diak liu karik?, sekarik ita hatene diak iha lian ida husi lian balun kahur malu nee ; Hetok aat liutan hanorin nain sira la fo dalan ka habiban alunus sira hodi bele konsulta kona lian nian iha fatin aprende nian. Se problema iha leten mak se latau atesaun seriu hodi buka mekanismu atu haree kona dezenvovle alunus sira kapasidade ho diak; nee oisa loss (how)? Liliu oinsa ita bele kria jerasaun neebe ho diak? Lian kahur malu hasusar ema nia talentu nebee iha hodi foo kbiit ba nasaun kiik ida nee. Hau hakarak husu deit se mak sai vitima agora dadaun nee?, hau dehan karik laseluk no lalet mak Jerasaun foun nasaun ida nee. Hau sei ” Ehhh la duun(menuduh)Ba imi katuas sira mak hatene lian portuges nee, maibe hau foo sala ba sira mak nebee iha” kompotensia atu halo mudansa ba lian” razaun fundamental saida mak governu no parlamentu aprova lingua rua ne’e sai nudar lian official? maibe “Labuat ida sa (tidak apa-apa=nou wot-wot” . Hakerek nain nudar estudante DIT lakohi atu hatene se los bele responde los kona lian nee?, nudar vitima deklara sai lolos katak agora dadaun ami hotu laran moras loos “ ami sakit hati liu= puan laran moras tebes sa” tanba saida mak lian sai fali sasan todan boot ida nebee ami foti la sae?, “dudu moss la ba tiha deit” , dala ruma ami nia mestri sira moss hare ami sai laran taridu ” sakit hotu sa” tan deit alunus sira susar atu merangkai kata no kalimat bainhira hakerek lisaun ruma, dala ruma haree hanesan fali labarik SD sira. Hau tauk deit too rohan mak lahatene hotu no sei” Mate liu se hakerek teze ka skripsi” Nudar estudante DIT hakrak foti fakta realidade kona belun estudante iha aula laran, bainhira mestri fo serbisu kona esay , kuaze alunus tomak neebe remata iha tinan kotuk 2011ba iha semester 1, labele atu halo tanba lahatene duni, maibe mestri neebe hanorin hau bele dehan katak nee furak loss ho nia metodu atu hanorin, mestri fo libre ba alunus hotu bele hakerek ho lian hat nebee ita bele uja hodi hakerek serbisu essay nee” naran katak imi komprende no mestri bele komprende “ Too tempu atu hatama kona serbisu essay alunus lubun boot mak la hatama tanba lahatene duni oisa mak atu hakerek serbisu essay, realidade hatudu momos katak ami kapasidade kona lian nee.emang lahatene duni. Mai ita buka took hodi bele resolve netik ita nia situasaun oinsa mak ita iha efectifinade hodi bele aprende lao netik maske lian la fo dalan ba ita atu estuda ho diak, ba belun sira molok atu hatene maibe ita halo observa lai ba ema ida-idak nia kbeet no oinsa bele lao tuir nia dalan hodi aprende Maneira Estuda Iha Typu 3 Iha typu tolu nee automatikamente depende ema neebe mak atu estuda tuir duni nia situasaun katak iha maneira ka zeitu lahanesan hodi aprende loron-loron. 1. Typu visual: ema neebe iha atensaun makaas hodi haree zeitu isin lolon (bahasa tubuh) no expresaun mestri nia oin hodi fo atensaun tomak ba gaya gerak gerik no hodi bele komprende materi ka lisaun neebe esplika. babain ema hirak nee gosta tuur iha oin bainhira tama aula, sira dezenvolve indra haree nia (hateke ho matan hodi bele hatene klaru lolos). iha sira nia hanoin nakonu ho imazinasaun ka imajem kakutak nian nebee recorda husi sira nia kakutak laran. lalais liu atu kapta ho diak waihira hatudu ho visual, hanesan, diagram, libru material neebe nakonu ho imagem, ka haree video (hanesan mos hanorin uja projeitor). Sempre halo, “ catatan kompletu mak nee, tanba gosta atu hakerek detailu” hodi halibur hamutuk informasaun hotu. Sira nia hobby mak gosta atu nonton TV, gosta atu haree ema zeitu komik. Dala ruma hanoin fali istoria komik hamnasa mes-mesak. “ lucuh deh” Hakerek nain hakerek atu aumenta tan deit katak bainhira ema sira hanesa nee, karik sei kiik gosta atu haree imagem ka nonton filme kartun (terbina kebiasaan sejak kecil arti naluri daya tanggap penuh dengan kehobiannya sejak kecil. entaun oinsa mak ita bele uja typu ida nee iha fatin aprende nian? Nee konforme ita nia matenek deit oinsa mak atu hetan informasaun kompletu iha situasaun hanesa nee?, se mak ita persija atu hakbesika ba?. Maneras nee mak ita tenke halo aproximasaun diak ho mestri sira neebe iha kompotesia atu hanorin kona ba lisaun lian nian ka buka belun ruma neebe mak iha duni kapasidade hatene diak kona materil lian ruma, katak hahu dadaun ita koko nakloke kona ita nia situasaun neebe ita hasoru nee “ Namanya juga pelajar,, moe tau iha kotuk tiha deit” hahalok hirak nee sei tama iha kategoria meus kommunikasaun submisifu nian. 2. Typu auditoria: ema neebe iha manera audtoria bele estuda lalais bainhira halo diskusaun verbal ruma. Sira dezenvovlve indra rona nian mak makaas liu atu rona lolos saida loss mak ema kulia ka esplikasaun?, sira nia zeitu mak gosta atu halo baruilu iha aula laran, maske bairuilu makaas, sira bele kapta ho diak no kakutak loading lalais liu, gosta tur iha klaran bainhira tama iha aula laran no gosta atu halo deskute ho ema seluk, sira ladun atu hakerek informasaun barak, furak loss husi sira mak bainhira ita lee textu ruma ho tone ka voice ka lian makaas entaun hetok tama lalais iha kakutak. Husi sira hahalok nee ita hatene ona kata sira aktifu tebes kommunikasaun verbal nian, sa tan kulia kona topik nebee furak, “ oww kulia la para rai nee, kaben boot lahalimar” ita bele nota momos deit wainhira ema sira hanesa nee, sira nia hobi mak atu descute kona topik ruma neebe fo vantazem ba sira atu kulia barak, atu kulia ho sira sa lalika ida amagai, kaben boot nee cocok ba sira lolos deit. Haree fali kona meus kommunikasaun sei kategoria iha kommunikasaun agresifu nian. Hobi kesenangan mak gosta rona musik sambil belajar. Lee istoria no informasaun politik nian. Husi hahalok nee, lalais atu adapta kona kualker situasaun tanba ema kuinese sira lalais liu ho sira nia situasaun, aproximasaun lalais liliu no bele senti sekuru atu hakbesik ba kualker ema sese deit, hodi laiha hanoin atu moe. Dalaruma moss gosta atu lasu topiku ruma hodi buka dalan atu tama lalais ba ema nia kondiasaun ruma. 3. Typu kinestetika, ema nebee iha manera estuda kinestika nee mak liu husi book –an lalais, kaer hodi sinte(menyentuh) no halo, zeitu sira nian mak dezenvove indra isin lolon ka fisiku nian hodi bele hatene didiak, ema sira hanesa nee, susar tebes atu tur nonok ka isin tenki book-an bebeik hodi halo servisu ruma, sira nia hakarak halo aktividade ho fisiku nian no explorasaun makaas tebes hodi kapta buat ruma. gosta atu “senyum-senyum deit” bainhira sikat iha ema barak nia leet . se lahalo servisu entaun lalais atu hetan moras, tanba aktividade servisu kakutak ladun lao hodiak,, bele dehan katak ema sira bulak servisu(gila kerja) “ dala ruma mota Comoro persija karik atu bele pinera raihenek?” se ita haree fali meus kommunikasaun katak sei tama iha kommunikasaun asertifu no hobi mak desportu, bola, lukis (dezeinu) no buat seluk tan nebee uja fiziku. Typu hanesa nee, furak tebes ba sira bainhira atu hakarak halo aproximasaun ba ema ema ka hanorin nain neebe zeitu hanesan, “nee buat hotu la sidi ba sira” tanba kaer dadaun, kulia dadaun no kapta dadaun. Se aprende kona teknika serbisu nian nee cocok ba sira, mestri nebee hanorin area teknika pasti gosta sira para mate,, tanba nyambung loss ho sira nia sira nia kakutak. Objeitifu hakerek nain mak terinspirasi husi hosi esperienzia rasik tanba kosege mura-mura husi fatin aprende too iha uma tanba lahatene lian balun, no halo serbisu kona makalah balun, konsultasi bebeik moss lahatene nafatin! Hau pronto atu simu saran no kritik husi ita boot sira hotu, naran katak imi nia hanoin bele dezenvolve hau nia estuda ho diak, nafatin hau fo semangat ba hau nia belun sira civil engineering angkatan: 2012, sipil tetap semangat, fiar katak artikel nee bele dezenvolve ita nia ispiritu atu aprende barak liu tan. Husi hau; imercio noronha, bmersu@yahoo, 7251-747 KOMROMENTUS, MATENEK NODI SERBII
Posted on: Wed, 24 Jul 2013 03:07:51 +0000
Trending Topics
Recently Viewed Topics
© 2015