MTET exam Mizoram Board of School Education (MBSE) chuan December 18, 2013 hian Teacher Eligibility Test (TET) a buatsaih leh dawn a, National Council for Teacher Education (NCTE) eligibility criteria tlinte tan chauh exam theih a ni. Hrechiang duh tan MBSE office-ah zawh fiah theih a ni. JV Hluna te MPCC ah an lut Peoples Conference Party ni ṭhin ṭhenkhat, MNF-a an inchhûn luh hnua Ningania MNF chhuahsantu, Prof. JV Hluna leh a thurualpuite chu nimin khan Congress party-ah MPCC president, Lal Thanhawlan a lawm lut. Hetihlai hian, People Conference Party din anih laia an president, Lalhmingthanga chuan nimin khan Vanapa Hall-a thawkho party pathumten campaign kick off an neih naah thu sawiin, a naute ṭhenkhatin MNF chhuahsan mahse, ani chu MNF party-ah a la awm reng thu a sawi. Hriattirna chhuah November 25 a Mizoram Assembly inthlan tur chungchangah nimin khan Mizoram Governor chuan hriattirna a chhuah. Larsap hriattirna chhuah ang chuan, he inthlan tura chuh duhte chuan hriattirna chhuah ni aṭanga November 8 thleng returning officer-te hnenah an hming an pe lut thei a, hming pek luh theih hun hi chawhma dar 11 leh tlai dar 3 inkar a ni.
Posted on: Sat, 02 Nov 2013 07:14:36 +0000
Trending Topics
Recently Viewed Topics
© 2015