Mahni hna khawih paha Facebook khawih hi chu nupui nei chunga ngaihzawng neih ang deuh a nia; a nuamin, rilru a la peng nasa a, hun a heh a ni. Kumin kumtir lama lehkhabu tihchhuah ka tum KUNGPUI MIRIL JF LALDAILOVA (Writings on, for and about JF Laldailova) tih kha ka peihfel vek hnu-ah hmuh kir leh ngaihna awm reng reng lovin a Khuangcher bo a nih kha. A hma lawkin ka pianpui unau Sangtea leh ka tupa (nephew) Andrew te’n mual min liamsan nen, thu tihthlak ziak theiin ka awm ta reng reng lo mai a nih kha. Hei tunah han insangmarin, ka tuang ka han din thar leh ta a. November thla laihawl vela tala chhuah theih turin, ka lehkhabu khawih lai THU HAW LAM LEH KAL LAM (Leaves from notes, journals, Facebook updates, etc) chu ka han khurbinpui leh ngar ngar dawn a. Ka hmel ropui hi FB lamah ka rawn lan thei dawn lo vang vang a, in ngaihawm tlang dawn mang e. Ka fapa Ramthanmawia pu (uncle) Lâna, (hman ni lawk a mual liam ve ta) tih dan takin, keimahni nih hi nuam se, tumah inti thîm thêm lo ila. Amah Anurag--an Prena hnena a chah ang khan, lo inenkawl tha ang che (u). Dam takin, hlim takin, nui takin ule ....
Posted on: Thu, 09 Oct 2014 05:12:16 +0000
Trending Topics
Recently Viewed Topics
© 2015