Maine Dil Tujhko Diya – Abesh Hi Friends, I am Abesh Khan (Name Changed) from Jaipur, Rajasthan, I am 23 year old and i am a student. I have completed B.A. in 2013 and now i am pursuing M.A. in Political Science. I am a romantic, honest and down to earth person. I have read many stories on this blog so now i have decided to share my own true love story with all of you. yeh baat aaj se 6 saal pehle ki hai jab maine 10th pass karke ek government school mein admission liya tha, 2008 mein maine 10th ek private school se kiya tha. that time i was just 17 year old aur jab government school mein admission lene ke baad jab main pehle din classroom mein gaya to sabse pehle meri nazar ek ladki pe padi main use dekhta hi reh gaya, woh ladki mujhe bahut achhi lagi thi aisa laga mujhe ek nayi zindagi mil gayi ho… i fall in love with her in the first sight, pehli nazar mein hi usne mera Dil chura liya tha. us ladki ka naam Jasmin tha aur woh 16 saal ki thi aur wo mere hi cast ki thi. Ab to main roz use hi dekhta rehta tha. uski har ek adaa mujhe bahut achhi lagti thi uska muskurana, uska chalna, uske baat karne ka andaaz, uska sharmana etc. ek baar main use dekh raha tha to usne ye baat notice kar li thi usne bhi meri taraf dekha aur smile ki aur phir chehra pher liya tha. woh jab muskurati thi to mere Dil ko sukoon milta tha. ab main ye sochne laga tha ki isse baat kaise shuru karu. ye baat maine mere dosto ko bataai to unhone kaha chal kuchh plan banaate hai, hum 6 dost classroom mein baithe baat kar hi rahe the ki achaaanak wo classroom mein books rakhne ke liye aai to maine usse salaam kiya pehle to usne koi jawaab nahi diya lekin maine jab ye kaha ki salaam ka jawaab to de do musalmaan nahi ho kya tab usne walekum aslaam kaha phir hamaari study ke baare mein thodi baat hui, usne kaha ki woh pehle bhi isi school mein padhti thi aur usne 10th mein 42% marks haasil kiye hai aur phir woh classroom se baahar chali gayi , phir hamaari kaise bhi baat ho hi jaati thi kabhi woh baat kar leti to kabhi main… aise hi din guzarte gaye ab hum jab bhi akele hote the to baat kar hi lete the, hamein ek dusre ki aadat si ho gayi thi, woh bhi mujhse baat karne ka bahaana dhundhti rehti thi ek baar usne mujhse mera English ka register maanga kaha ki use kuchh homework karna hai maine de diya… dusre din usne wapis de diya to maine usi waqt register khol kar dekha to main dekhta hi reh gaya usme first page pe hi likha hua tha I Love You maine uski taraf dekha to wo muskuraai aur phir dusri taraf dekhne lagi… jab school mein interwal hua to hum dono hi classroom mein the tab maine usse puchha ki tumne jo register mein likha hai wo sach hai kya tab usne kaha tumhe kya lagta hai main aise hi kisi ke register mein kuchh bhi likh dungi kya main tumse sacha pyaar karti hu chaho to mujhe aazma lo, mujhse tumse kehne mein sharam aati thi isliye maine socha kyun na register mein likh du mere Dil ki baat tab maine kaha main to pehli nazar mein hi tumhara Aashiq ban gaya tha par tumhe kehne se darta tha kahin tum bura maan gayi to main to tumse baat bhi nahi kar paunga, I Love You too my sweetheart. maine pehli nazar mein hi apna Dil tumhe de diya tha. phir usne mujhe hug kiya tha. woh 5 minute tak mere seene se lipti rahi kehne lagi ki kabhi mujhse door na jaana nahi to main mar jaungi main tumse sapne mein bhi door nahi ho sakta tum mere Dil ki dhadkan ho. Tum Meri zindagi ho meri duniya ho infact tum mera sab kuchh ho. phir hum apni apni seat par baith gaye thodi dair baad sab classroom mein aa gaye. phir hum rozana jab bhi time milta hum pyaar mohabbat ki baate karte the. mere dosto ko hi hamaare affair ke baare mein pata tha woh hum dono ko shirin-farhaad kehte the. hum do saal saath mein padhe the is dauran humne theater mein ‘ Milenge Milenge ‘ film aur hotel mein khaana bhi khaya tha. phir 12th ki exam. hui to usne kaha ki pata nahi ab hamaara milna hoga bhi ya nahi tum mujhe apne mobile number de do to maine de diya aur usne apne number mujhe de diye. phir hum rozana mobile pe ghanto baatein kiya karte the lekin ek din uske ghar walo ko pata chal gaya tha unhone mujhe call kiya aur kaha ki agar aaj ke baad is number pe call kiya to tumhari khair nahi. uske papa aur bhai ne uska mobile le liya tha aur se baahar nikalna bhi band kar diya tha, woh log har waqt uspe nazar rakhte the to maine uske ghar ke chakkar lagana shuru kar diya tha to uske papa ne police mein complaint kar di ki ye ladka hamein pareshan karta hai to main 2 din jail mein raha phir main jamaanat par jail se chhuta. jail se chhutne ke baad maine ek letter likha ki jasmin hum dono bhaag kar court marriage kar lete hai main tumhare liye ghar pariwaar, zameen jaydaad, property sab kuchh chhodne ko taiyaar hu agar tum mera saath do to aur maine wo khat uski saheli ko diya aur kaha ki ye Jasmin ko de dena. phir kuchh dino baad Jasmin ne khat likha us mein jo likha hua tha use padh kar to main shocked hi reh gaya, usne likha tha ki hamaare beech mein jo kuchh tha woh ab nahi hai, main tumhe bhool chuki hu tum bhi mujhe bhool jao, mera tumse ab koi bhi rishta nahi hai, khuda ke liye mujhe bhool jao…. ek baar to mujhe yakeen nahi hua ki jo ladki kal tak ye kehti thi ki tumhare bina main mar jaungi usi ne aaj aisa likh diya phir maine uski saheli se kaha ki sach batana ye letter kis ne diya hai tumhe usne kaha Allah ki kasam Jasmin ne hi diya hai phir maine wo jagah chhod di. July 2010 mein maine college mein admission le liya tha aur main dusre city mein rehne laga tha kyuki us city mein meri bahut badnaami ho gayi thi. aaj mujhe usko dekhe huye 4 saal ho gaye lekin aisa koi din nahi jaata jis din mujhe uski yaad na aati ho aur main jab tak zinda hu main use kabhi bhool nahi sakta. uske bina main toot sa gaya hu. ab mujhe is duniya mein kuchh bhi achha nahi lagta hai. main is duniya mein bilkul Akela ho gaya hu, ghar – pariwaar walo ne, rishtedaaro ne, samaaj ne sabhi ne mujhse kinaara kar liya hai, to dosto ye thi meri zindagi ki haqeeqat jisne mujhe barbaad kar diya. Aakhir mein main bas itna hi kahuga ki I Loved you Jasmin, I Love you Jasmin and I will love you always untill i am alive. dosto ye thi meri aur meri Jasmin ki true love story.
Posted on: Wed, 16 Jul 2014 04:51:49 +0000
Trending Topics
Recently Viewed Topics
© 2015