Malay le Delhi Chungkhar Auhnak Kong Dear Miphun Dawtu Dihlak, Tuzanlei 29/09/2014, zanlei suimilam 6:00-8:00pm tiang, tulio i Chimmi kan caah a cungbik top issue asimi Malay le Delhi um Chinmi chungkhar auhnak Special Humanitarian Programme (SHP), (202) visa kong he pehtlai in Immigration zungpi ah meeting kan ngei i tluang tein kan lim kho. Tutan tonnak ah Sydney leiin (SHP) lutlai bik Manager nu Ms Fiona Tinley, Ms Amanda Paxton, Victorian State Director of the Department of Immigration and Border Protection le Ms Zoe Holbeche Ethnic Liaison Officer – Victoria Correspondence, Liaison & Secretariat Support Section,hna he tonnak kan ngei kho. Kanmah Chinmi long siloin, ramdang mi Ralzam dirhmun Refugees status in Australia aphan mi Communities kip zong sawm asi i Community (20) leng nih kan kai kho. Chungkhar auhnak kongah aherhmi Information tampi an kan pek pinah, kan caah theihawk tlak zong tampi an kan chimh. Tuzan tonak ah Chinmi aiawh in, Salai Chan Ceu Lian (Pu), Saya San Pai (Pu), Salai Lung Ceu (Pu) le Rev. Dr. Denish Shumaung (Pu) hna an si. Theihawk Information tlamtling tein an kan pek hnuah, kanmah lei zongin, Malay le Delhi um Chinmi vialte Australia an rat khawhnak dingah Australia khuasa Chinmi nih anmah caah herhhai vialte bawmh dingah timhcia kan si ti langhter nakle, nanmah he hmunkhat rianttuan tti dingin timhcia kan si, ti langhternak caah Churches minin Supporting Letters ttialmi siseh, Chin Community in Melbourne (CCM) min inle Chin Christian Council in Australia (CCCA) minin ttialmi zong tlamtling tein kan pabik, Rev. Dr. Denish Shumaung nih amah Fiona Tinley kutah akan chan piak kho. Theihawk, Information ankan pekmi chungin, zapi nih icinken awk tiah atawinak in atanglei ah ka rak thilchih lai. 1. Tukum Cozah budget tukmi ah, (SHP) 202 visas hi minung 5000.00 ca longlong asi. Cu minung thong (5) ri tukmi ah, kanmah Chinmi form longin, minung 12000.00 thong (12) Sydney Immigration zung aphan. SHP in auhmi chungkhar form hi minung 47000.00 thong (47) Sydney Immigration zung aphan. 2. Tutan (SHP) 202 visa in auhmi poahpoah cu UNHCR card angei mi an/asi lai. UNHCR card angei lomi poah ca ahcun, chuahnak nawl (Exit Permit) pek/lakkhawh asi lo. Phundang in kan chim ahcun, UNHCR card angei lomi cu na form zong Sydney Immigration zung nih tthittha in zohpiak dawh asi ti lo. 3. Tukum SHP lakding tiah, Cozah rituk mi Thailand le Malay Tanzung ah a khat/tlinh (full) cang caah, tukum ca ahcun Thailand le Malay Tanzung nih akan cohlang tilo i mi cheukhat Form cu kuat loin kanmah sinah kan chiah rih ti asi. 4. SHP 202 visas ah immediate family (Nupa, unau) hi hmai kan kalter hmasa. Na tu nu/pa, pi/pu, ni/ttang le chungkhar rualchan caah na tuah mi form poahpoah cu hnu deuhah na form kuatpiak asi lai. Ka cattial asau deuh cang caah hnu deuhah kan peh tthan te lai. Lungsau thinfual in arak reltu dihlak cungah keimah pumpak in kaa lawm. Miphun rianah tlamtling lo ngaiin, Salai Chan Ceu Lian. Chin Community in Melbourne, (Secretary) Laknak: Global Laimi
Posted on: Mon, 29 Sep 2014 14:56:30 +0000
Trending Topics
Recently Viewed Topics
© 2015