Mao kini ang manuscripto sa debate taliwala ni Khayrudin Khar Mangudadatu ug Prof. Warren dela Pena mahitungod sa tema, resolve: is there a God, the creator? Affirmative side- Khayrudin Mangudadatu, a sharia lawyer from the Islamic Umiversity of Madina, member of the Intelligent Design Movement, an international organization whose members are advocates of creationism. He is also a public lecturer, researcher and debater. He committed to memory the whole Quran at the age of 11. He has also studied in UP- Baguio for his degree in Philosophy. He will prove to us that YES, God exists. Negative Side- Prof. Dr. Warren dela Pena, a doctorate of Philosophy from San Beda, currently teaching at the Mindanao State University, he is the president of the central mindanao atheist organization. He is also active in propagating the ideas of atheism all over the Philippines and he believes that science does not prove God but the contrary. He will prove to us that GOD does not exist except from the minds of those who are ignorant. Debate format: Introduction- affirmative, negative 1st stand- affirmative (cross examination from negative) negative (cross examination from affirmative) 1st rebuttal- affirmative, negative 2nd stand- affirmative (cross examination from negative) negative (cross examination from affirmative) 2nd rebuttal- affirmative negative Conclusion- negative, affirmative Moderator: brother Wendell T. of the Catholic Faith Defender and Prof. Kieves from Xavier University Cagayan de Oro. INTRO AFFIRMATIVE Mga kaigsoonan, mga tinahod namong tigpaminaw niining maong debati karon, maayong buntag kaninyong tanan. Kay human naman ko gipaila ila sa atong tinahod nga emcee di nalang nako sublion ang iya nang gipamulong ug modiritso na lamang kita sa pag summarize sa atong baruganan isip maoy affirmative side o tigpamatuod sa atong tema. Ang tema nga atong pagatukion ug maoy among pagalantugian sa atong pinanggang ka atbang, si tinahod nga Prof. Ug Dr. pa gyud, Warren dela Pena, mao kini: Resove- is there a God, the creator? Ug sa yanong pinulongan aron masabtan sa tanan, Aduna bay Dios nga (o ang) magbubuhat? Ug sa tumoy sa maong tema ang dakong question mark o pangutana. Ug tungod kay wa man mi magkahiusa ug duna man mi lain lain nga tubag sa atong pinanggang ka atbang nga mao si Prof. Dr. Warren dela Pena mahitungod aning pangutanaha, busa ania kami dinhi karon sa pagtuki niini ug sa pag resolba niini. Ako mubarog kaninyo ug pamatud-an nako nga dunay Dios nga maoy naglalang sa tanang butang. Kahibalo ko nga kining atong tinahod nga kaatbang unya mogamit ug syensya aron iyang pamatud-an nga walay Dios, busa gi awhag nako kamong tanan mga suking tigpaminaw nga nagsud-ong karon sa among debati nga maminaw gayod pag ayo kun unsaon pagpamatuod ni Prof. Dr. Dela Pena nga atong pinangga kanang iyang proposisyon. Kay karong taud taud iya kamong kumbinsehon nga kamo nahimugso niining kalibutana sa aksidente lang. Iya kamong kumbinsehon nga ang tanan butang dinhi niining kalibutana resulta lang sa pasmo... resulta sa kakusog sa linog, bagyo ug kaguliyang niadtong milabay nga kapanahonan. Usa ka maalam nga tawo kaniadto nga ang pangalan si Abu Hanifa, nagpuyo sa Iraq ang gi challenge sa usa ka atheist nga susama sa atong pinanggang ka atbang karon, kauban ni Prof. Dr. Warren dela Pena ug gi challenge siya nga mag debati sila sa susamang tema nga among pagadebatihan sa atong pinangga, ang tema: Aduna bay Dios? Ug busa kay gihagit man ang maalam nga si Abu Hanifa, iyang gidawat ang maong hagit. Miabot ang takna sa ilang debati ug natigum ang bagang katawhan aron sa pag sud-ong kanila sa pag resolba sa ilang tema. Wala miabot ang maalam nga si Abu Hanifa hangtod nga gikapoy na ang mga tawo sa paghulat kaniya. Ug sa ulahing takna miabot ra gtud siya, misaka sa entablado ug nangayog pasaylo sa mga tawo, siya mi ingon: pasayloa ninyo nga ako naulahi sa paganhi dinhi. Kahibalo kamong tanan nga ang akong balay tua pa tabok sa sapa sa tigris (tigris river) ug sa pag adto nako sa sapa wala akoy nakitang salakyan ug naghulat ako, namasin nga muabot ang usa ka bangkero. Human sa pipila ka oras nakong paghinulata, nakita sa akong mga mata nga usa ka pundok sa kahoy ang gi anod sa sapa ug naporma kining bangka, walay tawo nga mihulma niini, ug walay tawo nga nagpanday, apan nahimo kining bangka nga daw hinimo sa tawo. Mao kadto ang akong gisakyan busa naka abot ko dinhi. Mikatawa ang atheist ug namulong: dakong binuang! Unsaon gud pagka porma sa bangka sa iyang kaugalingon? Imposible!!! Ug busa mitubag si Abu Hanifa- kun mao kana, kay dili ka man motoo nga ang bangka nahulma sa iyang kaugalingon nga walay nagpanday mas labaw kang boang! Tungod kay mianhi ka karon dinhi aron sa pagkumbinse kanamo nga dili lang ang bangka, kundili ang tanang butang sa kalibutan lakip na ang tawo ug mga mananap, naporma sa ilang kaugalingon nga walay Dios nga nagbuhat? Unsa pa may mas dakong kabuang gawas niana? Mas labaw pa kini ka imposible! Busa, mga higala, karong taknaa niining debati, si Prof. Dr. Warren dela Pena mosulay kanato sa pagkumbinse nga walay Dios nga nagbuhat sa tanang butang, iyang sulayan nga ang usa ka dakong imposible mahimong posible, ginamit ang pangatarungan nga gitawag ug semantic gymnastic! ug ang iyang baruganan sama sa atheist nga mi challenge sa maalam nga tawo. Hinuon, dako silag kalahian kay karon atong gilauman nga mogamit kini si Dr. Dela Pena ug mga modernong pangatarungan aron sa pagpahisalaag sa kadaghanan. Daghang salamat sa inyong pagpasensiya ug pagpaminaw mga pinangga ug sa dili pa nako tapuson ning akong introduction ug summary sa akong baruganan, atong timan-an kining usa ka panultihon: walay pangatarungan nga molungtad, kun kini wala sa kamatuoran magsukad. Mga kaigsoonan maayong adlaw kaninyong tanan! INTRO NEGATIVE Maayong hapon kaninyong tanan mga tinahod nga mga higala, sa tanang mga studyante sa syensiya ug relihiyon nga ania karon aron sa pagpaminaw sa atong debati, ug nakadayeg ako sa inyong pasensiya nga bisan kahibalo mong taas kining atong pagahisgutan karon apan nagpadayon gihapon kamo sa pagsuporta... sud-ong sa atong programa. Ako mobarog kaninyo isip negative side sa atong topic, sa ato pa ania ko sa inyong atubangan aron sa pagsupak sa claim sa affirmative, si Mr. Khayrudin Mangudadatu, nga anaay Dios ug nga ang Dios maoy nagbuhat sa tanang butang. I know nga majority kaninyo nga ania karon mga God believers or believers of an invisible and imaginary diety. Nganong niingon man kog invisible? Tungod kay sa millions of God believers walay bisan usa nga nakakita sa Dios. Ug nganong mo ingon man ko nga imaginary God? Tungod kay kining pagtoo sa Dios wala magsukad sa syensiya... sa ato pa ang scientific method dili pwedi nga e apply ani ug busa mahulog nig no scientific basis. Ang pagtoo sa Dios bunga sa pangutanang di matubag sa tawo ug busa kay di man katubag sa pangutana ipasangil na dayon sa Dios. For example, pangutan-on taka, nganong duna may langit? Tungod kay dili man makatubag scientifically way laing tubag ang mosangko sa huna-huna kundili ANG DIYOS! Nga ang adunay langit kay gibuhat kini sa Dios. Ug ikaw pangutan-on, kinsay naghimo sa bulan ug bitoon, tungod kay walay ikatubag ipasangil dayon sa Dios! Mga kaigsoonan, sa pag ingon nako nga wala pay nakakita sa Dios kaganiha, I am sure nga daghan ang mo object ug naghuna huna nga ang hangin wala pa may nakakita apan nganong motoo man ka ug hangin? The answer is simple- ang sense of sight usa lamang sa mga senses nga gagamiton nato to verify the fact and truth, apan kundili makita sa mata duna pay uban nga senses sa atong lawas ang pwedi gamiton as alternative basis for the fact. Yes dili makita ang hangin, your sense of sight cannot verify it but do not forget your other senses like sense of smell and feeling that could be used to verify the air you breathe. Therefore, mitoo ko nga dunay hangin tungod kay it could be detected by the other senses ug napamatud-an kini through scientific evaluation. Kamong tanan akong gihangyo sa pag open sa inyong senses, hilabi na ang inyong intelligence ug likayan nga sundon ang emosyon tungod kay if emotions prevail, reason will not matter anymore. Unya sa atong 1st stand, atong pagatukion ang mga ebedensiya nga walay Dios ug nga ang pagtoo sa Dios usa ka produkto sa huna huna lamang, bunga sa pangutanang di matubag. Dili pa panahon karon nga atong ipagula ang atong mga ebedensiya. Si Sigmond Freud, ang amahan sa psychology mi ingon nga ang pagtoo sa Dios usa ka mental nga sakit, ug walay tambal niana gawas sa edukasyon ug hustong kaalam. Daghang salamat.
Posted on: Wed, 05 Nov 2014 10:01:45 +0000
Trending Topics
Recently Viewed Topics
© 2015