Match 50 chhung hneh loh tawng lo Bayern Munich Bundesliga hmahruaitu Bayern Munich chuan record an siam chho zel a, match 50 lai hneh loh nei lovin an kal tluang ta a ni. Nizan khan Bayer Leverkusen mikhualin, 2-1 in an hneh a, Mario Mandzukic chuan chuan first half tawp tepah a tauh lut a, second half 52 mins-ah Schweinsteiger chuan free kick atangin mawi takin a pet goal bawk a, 2-0 in an chak dawn emaw tih hnuah 90 mins-ah Stefan Kiessling chuan goal khat Leverkusen tan a tauh lut ve hlawl mai a, 2-1 in inkhel an zo ta a ni. Bayern Munich president Uli Hoeness chu chhiah awlruk thubuaiah jail bang zut tura tih a ni a, hetih lai hian a team enkawl thin chuan khelh 9 chauh hmabakin points 23 laiin an sang fal ta a, Bundesliga title hi an la ngei dawn tih a chiang tawh e. Nizan thleng khan Bundesliga match 17 ah hnehna an channa an tawng a, a zawnin match 17 lai hnehna an chan hnu hian title chu ban phakah a awm ta. Tin, Bundesliga match 17 hnuhnungah goal goal 2 vel theuh thun reng ang an ni bawk. Karleh lo awm turah hian Mainz an hmachhawn dawn, an hneh a nih chuan, tin Borussia Dortmund-in Schalke an hneh zolo a nih bawk chuan 2013-14 Bundesliga champion an ni tawh dawn a ni. read more : inkhel/index.php/football/leagues/bundesliga/item/5857-match-50-chhung-hneh-loh-tawng-lo-bayern-munich
Posted on: Sun, 16 Mar 2014 03:43:23 +0000
Trending Topics
Recently Viewed Topics
© 2015