Matutina 11 di novèmber 2013: Un desafio pa e pueblo di Dios Despues mi a mira un otro bestia ku tabata subi riba tera; I e tabatin 2 kachu meskos ku esun di e lamchi, pero e tabata papia manera dragon Revelashon 13:11 Riba e isla di Patmos a habri esenanan di un balor profundo i un eksperensia emoshonante dilanti di e apòstel Pablo. E la mira temanan di interes intenso i di hopi importansha den figuranan i símbolonan, pa asina e pueblo di Dios por a haña inteligensia pa loke ta trata e peligernan i konfliktonan ku nan tabata enfrentá. Juan a mira e gobièrnunan terenal ku lo a dediká nan mes speshalmente na kibra e lei di Dios i ku lo a pèrsiguí Su pueblo pa medio di símbolonan di un gran dragon kòrá, un bestia ku forma di leopardo i un bestia ku kachu di un lamchi. E guera ta sigui te na final di tempu. E pueblo di Dios, simbolisá pa un muhé santu i Su yu, a keda representá klaramente komo un minoria. Den e último dianan, lo tin solamente un remanente…. Pa medio di paganismo i despues pa medio di e papado, satanas a ehersé su poder durante hopi siglonan den un esfuerso pa kaba ku e testigunan fielnan di Dios for di riba tera. E paganonan i e papistanan a keda moví pa e mesun spiritu di e dragon. E iglesia di Dios a keda arestá dor di engaño i durante di mil aña, e pueblo di Dios a sufri bou di e rabia dje dragon. I ora a obligá e papado ya debilitá, pa stòp ku e persekushon, Juan a kontemplá un potensha nobo ku a bin pa hasi e eko di e bos di e dragon i adelantá e mesun obra kruel i di blasfemia. E potensha aki, e último ku lo bai hasi guera kontra dje iglesia i e lei di Dios, a keda simbolisá pa un bestia ku kachunan di lamchi. E bestianan ku a sigui a bini di laman, pero esaki a bini di tera, representando e binida pasífiko di e nashon ku e tabata simbolisá. E “dos kachunan meskos ku e lamchi, ta representá di un manera kla e karakter di e gobièrnu di e Estado Unídos, segun su dos prinsipionan fundamental, republikano i protestantismo. E prinsipionan aki ta e sekretonan di nos poder i prosperidat komo nashon. E proménan ku a haña asilo na e kosta di Nortamérika a bira kontentu dor di haña un pais liber di e arogansia papal i tirania di e monarka. Nan a proponé pa establesé un gobièrnu riba e fundamentu amplio di libertat sivil i religioso. –Signs of the times, 1 di novèmber 1899 Amèn
Posted on: Mon, 11 Nov 2013 20:49:24 +0000
Trending Topics
Recently Viewed Topics
© 2015