Matutina 16 di novèmber 2013: Viktoria porfin I mi a wak, i ata e Lamchi tabata pará riba Seru Sion, i huntu ku n’E 144.000 ku tabatin Su nòmber i e nòmber di Su Tata skirbí na nan frenta. Revelashon 14:1 Lo bai sali un dekreto ku lo dikta ku tur ku no risibí e marka dje bestia lo no por kumpra ni bende, i finalmente pa nan muri. Pero e santunan di Dios lo no risibí e marka. E profeta di Patmos (Huan), a kontemplá esnan ku tabatin viktoria riba e bestia i riba e imágen, riba su marka i e number di su nòmber. E la mira nan riba pia na e laman di kristal, ku e harpanan di Dios i kantando e himno di Moises i di e Lamchi. E prueba reveladó lo bin pa tur alma: Lo mi obedesé Dios òf hende? E ora desisivo ta dilanti di porta. Satanas ta hasiendo un esfuerso supremo den e furia di un último lucha desesperá kontra Kristu i Su siguidornan. E maestronan falsu, ta hasiendo tur nan esfuerso posibel pa stimulá e pekador den su atrevimentu rebelde, pa gaña e skohinan pa medio di falsedat nan. Ken ta prepará pa pone nan mes bou di e standarte kaminda ta skibi “e mandamentu nan di Dios i e fe den Hesus”? Kristu nunka a kumpra pas i amistat pa medio di transigensia ku e malu. Ounke Su kurason tabata yen di amor pa e rasa humano, E no por konsentí nan pikánan, Debí ku E tabata stima hende, E tabata kondená nan bisionan severamente. Su bida di sufrimentu, humiashon na kua E la keda someté pa un nashon perverso, ta mustra Su siguidornan ku nan no mester sakrifiká e prinsipionan. E pueblo di Dios ku a keda probá mester ta alerta, ku orashon ferviente, pa den nan hansha pa prevení desakuerdo, no bai renunsiando e bèrdat, deshonrado asina e Dios di bèrdat i risibí pas pa medio di privilegio nan chikitu na e agentenan di satanas. Pasombra ku esei nan ta paga un preis muchu karu. E menor renunsia na e prinsipionan ta hinka nos den e trampa dje enemigu. Pablo a skibi e romanonan: “Si ta posibel, asina leu ku ta dependé di boso, sea na pas ku tur hende” (Romanonan 12:18). Pero ta eksistí un liña ku no por keda krusá pa mantené e union i e armonia sin sakrifiká e prinsipionan. E ora ei separashon ta bira un deber apsoluto. E leinan di nashon mester keda respetá ora nan no ta drenta den konflikto ku e leinan di Dios, pero ora tin un konflikto entre nan dos, tur disipel berdadero di Kristu lo bisa manera e apòstel Pedro ora a eksigí di dje pa e e no papia mas den e nòmber di Hesus: “Ta nesesario obedesé Dios promé ku hende” (Hechonan 5:29). –Signs of the times, 8 di novèmber 1899 Amèn
Posted on: Sun, 17 Nov 2013 08:42:07 +0000
Trending Topics
Recently Viewed Topics
© 2015