Matutina 24 di ougùstùs 2013: Sasiando e set di e alma Señor duná mi di e awa ei, pa mi no tin set mas, ni pa mi tin ku bini aki pa sak’é Huan 4:15 E muhé a keda asina sorprendí ku Su palabranan ku e la pone su kos di saka awa riba e pos, i a lubidá e set di e estranhero i Su pedido pa bebe un tiki awa. E la lubidá dikon e la bini na e pos, e la keda di lòk na su deseo ferviente di skucha kada palabra. E ora ei Hesus a kambia di tema di konbersashon i a ordená e muhé pa bai yama su kasá. E la kontestá sinseramente. “Mi no tin ningun kasá. Bon bo a bisa: Mi no tin ningun kasá, pasombra 5 bo tabatin , i esun ku bo tin awor aki no ta bo kasá tampoko; Esaki bo a bisa ku bèrdat”. (Huan 4:17,18). Segun ku e muhé su pasado tabata keda rebelá su dilanti, e tabata tembla. E konvikshon di su piká a lanta. E la bisa; “Señor, ta parsé mi ku Abo ta un profeta”. (vèrs 19). E ora ei pa kambia e kombersashon pa otro tema, e la purba di hiba Kristu na e diskushon di nan diferensia religioso…. E konvikshon di e Spiritu di Dios a yega na e kurason di e muhé samaritana…. Ningun kombersashon te na e momentu ei a stimulá su naturalesa moral i lanta den dje un sensashon di un nesesidat superior. Kristu a lesa bou di e superfisie, i E la rebelá na e muhé di samaria su set di alma, algu ku e awa di e pos di Sikar nunka lo por a ofres’é…. E set natural di e muhé di samaria a hibele na un set di e alma pa e awa di bida….. Lubidando pa ki propósito e la bin na e pos, e muhé a laga su kos di saka awa, i e la bai e siudat pa bisa tur hende ku e la haña den su kaminda: “Bini, bin mira un hòmber ku a bis’á mi tur kos ku mi a hasi. Lo no ta e Kristu? (vèrs 29). E posnan di e mundu aki hopi biaha sa bira bashí, su tankinan ta seka, pero den Kristu tin un fuente di bida di kua semper nos por saka…. No tin peliger di ku e kontenido ta kaba; Pasombra Kristu ta e fuente inagotabel di e bèrdat. E ta e Fuente di Awa Bibu desde di e kaida di Adam. E ta afirmá: “Si algun tin set, bini na Mi i bebe” (Huan 7:37). i E la bisa aserka: “Esun ku bebe di e awa ku Mi lo dun’é, lo no haña set nunka mas; Sino ku e awa ku Mi lo dun’é lo ta den dje un fuente di awa ku lo ta pa bida eterno.” (Huan 4:14)..– Signs of the Times, 22 di aprel 1897. Amèn
Posted on: Sat, 24 Aug 2013 17:58:59 +0000
Trending Topics
Recently Viewed Topics
© 2015