Matutina 6 di novèmber 2013: Laga nos traha huntu ku Kristu Pasobra Dios no ta inhustu pa lubidá boso trabou i e amor ku boso a mustra pa Su nòmber, dor ku boso a sirbi i ainda ta sirbi e santunan. Hebreonan 6:10 Kristu a identifiká Su interes ku esun di e humanidat sufriente; I miéntras nos ta deskuid’E den e persona di Su aflihí nan, tur nos asambleanan, tur nos reunionnan, i tur e makinaria ku ta andando pa hasi e kousa di Dios bai dilanti, lo ta di poko benefisio. Tur ku lo ta santu den shelu, mester ta santu promé riba tera. Nan lo no sigui e chispanan di nan mes kandela, nan no ta traha pa alabansa, ni nan lo no papia palabranan di banidat, ni nan lo no lanta e dede di kondenashon i opreshon; Sino ku nan lo sigui e Lus di bida i lo proklamá esaki; Nan lo duna alivio, speransa i ánimo eksaktamente na esnan ku tin nesesdiat, i nan lo no sensurá ni reprendé…. E lus kla i riku ku a bria den nos kaminda a pone nos den tereno ventahoso, i nos mester probechá tur oportunidat pa hasi e bon. Kristu a bini di e korte real di shelu pa buska i salba e pèrdí nan, i esaki mester ta nos obra. E zelo ku nos ta manifestá den e direkshon aki lo mustra e medida di nos amor pa Hesus i pa otronan, i di nos efisiensia i spiritu mishonero. Kada miembro di iglesia a haña un obra pa hasi, i nan santifikashon lo keda mirá den e efisiensia, e desinteres, e zelo i e puresa i inteligensia ku kua nan ta hasi nan trabou. E kousa di humanidat i religion no mester baha. Mester warda e progreso di esnan ku a risibí gran lus i ku tin hopi bentaha. Iglesia mester ta un iglesia aktivo si e ke ta un iglesia bibu. E no mester kontentá su mes simplemente ku mantené su mes den un posishon kontra e forsanan kontrali di piká i di eror, ni e no mester konformá su mes den avansá ku pasonan lento, sino e mester hiba e yugo di Kristu, i mantené su mes den paso di un lider, ganando almanan nobo segun e ta bai. Ora nos ta kristiannan berdadero, nos kurason ta yen di mansedumbre, kortesia i bondat, pasombra Hesus a pordoná nos nos pikánan. Manera muchanan obediente nos lo risibí i nos lo apresiá e leinan ku a keda duná na nos i nos lo asistí na e ritonan ku E a instituí. Kada bes nos lo purba pa haña un konosementu di Kristu. – Revieuw and Herald, 1 di mei 1913 Amèn
Posted on: Thu, 07 Nov 2013 15:52:44 +0000
Trending Topics
Recently Viewed Topics
© 2015