Minister Otmar Oduber Aruba dentro di poco lo por firma un Sister City Agreement cu Boston Durante su biahe pa Boston, Minister Otmar Oduber a topa cu representantenan di oficina di Mayor Thomas Menino di e ciudad aki. Durante e reunion aki a yega na palabracionnan hopi positivo pa nos isla riba diferente tereno. Minister Oduber a duna di conoce cu ne momentonan aki Aruba y Boston ta den proceso pa firma un Sister City Agreement, cual ta bin for di un iniciativa di ‘Friends of Aruba’ na Boston encabeza pa dr. John Walker, kende ta un ortodonsista cu oficinanan na Boston y Aruba. Asina a reuni cu representantenan di oficina di Mayor Menino, kende lamentablemente tabata sufriendo di un kebranto di salud y no por tabata presente pe reunion. Tambe e mandatario a reuni cu e business community di Boston relaciona cu e proyecto aki. E acuerdo di Sister City ta ensera e.o. temanan riba tereno di Turismo, Aviacion, Cultura, Educacion y naturalmente deporte mirando cu Aruba y Boston tin algo hopi en comun, un major leaguer di Aruba. Minister Otmar Oduber ta sumamente satisfecho cu e desaroyonan aki y ta kere cu pronto Aruba lo por firma e Sister City Agreement cu Boston.
Posted on: Sun, 27 Oct 2013 23:15:40 +0000
Trending Topics
Recently Viewed Topics
© 2015