NE L SEGUIMIENTO DE L DIE ANTERNACIONAL DEL EIDOSO BIBIDO NE L LAR DE SAN JESÉ AN BUMIOSO UBO INDA TIEMPO PARA UAS CÔNTAS CUONTADAS. POR TIU JANTONHO STEBES DE PALAÇUOLO. 1º COUSAS DE S. PEDRO COUSAS DE S.PEDRO S. Pedro ye l que guarda las chabes de l cielo? I ye tamien quien faç la scuolha de las almas que entran ó nun entran ne l cielo. Cada Santo ten sues funçones i a el calhou-le essa. Entre outras stá claro. Más ye dessa que bos quiero falar. Pus anton alhá bai. Cumo ye el que fai las pergunta quando se muorre algue pessona, i segundo las respuostas, el bai deziendo para adonde eilhes deben ir, ó pal cielo quien tebier esses merecimentos, ó pal purcatório, se las respuostas fúron no meio de la moda. Ó anton pal anfierno se las respuostas nun l´agradan. Ua beç yá muitá murriron-se trés ties ne l mesmo die i a la mesma hora, i ancuntrórun-se pe l camino un cachico antes de chegar a l´antrada de l cielo, fázierun l resto de la biaige juntas i al chegar aguardórun un cibico que S. Pedro staba a almorçar. Quando chegou perguntou a ua que staba mais cerca de la sue mesa? Anton bós de quei bos muorris-tes, you nien sei só me lhembro de star cun home na cama, i de ber quando la caiata de l miu tiu me caiu anrriba de la cabeça, i quedei a drumir só spertei ende a fuora cun estas ties acumpanhar-me, nien sei onde you stou. Stás a las puortas de l cielo a falar cun S. Pedro que sou you? Mira que bien anton yá puodo antrar? Alto alhá? Purmeiro tengo que te fazer uas quantas perguntas se l merecieres deixo-te antrar. Anton perguntai l que quejierdes fiç todo dreito eilhie ambaixo. I dixo S. Pedro , Anton tamien fazies-te todo dreito quando te deites-te cun outro home que nun era l tou. A mie parece-me que sie? El até me dixe que you era gustosa! Anton gustosa? Entra naqueilha puorta i mandou-la pal purcatório. Anton S. Pedro birou-se pa la outra i dixo i tu tamien fuoste gustosa? Esso you nun sei se fui, nunca me l dezírun, mas eilhes debien de gustar, que até fázien fila a mie puorta, Anton debies de ser, passa por aqueilha puorta, dixo l senhor S. Pedro. Cumo só yá faltaba ua i l S. Pedro nun staba cun priessa demorou mais un cachico a ir a falar cula que faltaba. Quando fui dixo? I anton tu tamien l puonies-te ls cuornos al tou home? Quantas bezes? À senhor S. Pedro, assi me oufandeis. You ninguna beç, quien pensais bós que you sou? Bá-bá-ba. Sôs cumo las outras. Bá di-me la berdade se nun quieres ir para adonde las outras? Stou a dezier la berdade you nun l fiç ninguna beç? Cumo queriedes que puonie-se ls cuornos al home se you nun l tenie,. Nun bedes que sou solteira, i birge. Nun me digas dixo l S.Pedro meio atarantado cul que habie dito antes. Pus digo, digo? Sou solteira i birge repetiu eilha. Hai miu Dius que metie l pie na poça dixo. I S. Pedro i fuisse deilhie sien dezier mais nada. La mulhier sprou, sprou, sprou muito tiempo. Até que yá staba a quedar anfadada cula pouca suorte. Nien eiquie me dan atençon dixo la tie quaije a churar. Anton aparece de nuobo S. Pedro que saliu deilhie dua puorta assobiando. Anton inda stás eiquie. Para adonde habie de ir. A mie naide me quiere? Anton perguntou eilha a S. Pedro. Anton bou culas outras? Dixo lhougo S.Pedro. Non. Anton bou pal cielo? Non, dixo S Pedro? Hai miu Dius que me mandais pal anfierno, i you puorteime tan bien. Non nun bais, dixo S. Pedro. Anton la mulhier yá zasprada dixo, anton para adonde bou. Tu, tu? Tu bais pal miu quarto. Anda que you t´ansino l canino. I alhá fui eilha atrás de S. Pedro. I digo-bos you qu´inda alhá debe stár que you nun la bie salir… José AntónioEsteves 2º L GATO NEGRO L GATO NEGRO L tiu Bileiro era mui debertido, staba siempre cua anzona? Ua beç? S taba el a la sue puorta a fázer uns çapatos. Qu´el era çapateiro. Passou puoli Berta Rosa ua rapaza de ls sous onze ó doze anhos, que benie de la fuonte cua barrila d´auga als quadriles. Berta Rosa dixo l tiu Bileiro dá-me ua sede d´auga dessa que trais que ben bien fresca. Nun dou nada dixe Berta Rosa, ide a buela a la fuonte. El nun tenie sede ningua era só por se meter cun Berta Rosa, i mesmo que la tubisse staba a la puorta de casa que la fusse a buer, más el nun querie auga ningua, pus el siempre se dou melhor cun bino. L quel querie era meter-se cun eilha, assi a la moda de tiu Bileiro todos l cunhecien cumo un home de muitas lhonas. Quien nun l cunhecie tan bien era Berta Rosa. Anton tuornou a dezier ma sie. Dá-me alhá ua pinguita d´auga? Nun dou nada yá dixe ide a buela a la fuonte. I seguiu l camino de caras a casa. I dixo-le l tiu Bileiro a nun dás, anda que háde-te nacer un gato negro al fondo de la barriga. La berta Rosa fuisse para casa i l´assunto quedou-se puoili? Passado un ó dous anhos Berta Rosa ampeçou a quedar priocupada pus ampeçórun a salier uns pelos eilhi adonde l dixo l tiu Bileiro habie dito: cada die que passaba l medrában mais ls pelos de l gato. La cuitadica si se l metiu na cabeça que era maldiçon de l Bilero. Cumo ls pelos nun parában de medrar la probe fuisse a tener cun sue mai. Mai l tiu Bileiro buotou-me ua maldiçon i stou a quedar bien priocupada. Anton quei te fizo l tiu Bileiro. Sabeis un die you benie de la fuonte i el pediu-me auga, i you nun la dei. Anton el buotou-me ua maldiçon que me habie-de nacer un gato negra al fondo de la barriga, i nun ye que yá stá a nacer yá se l cunhece l bigote. La mai ampeçou-se a rir i dixo-le à burra, burra nun bés qu´isso todas las mulhieres tanemos. I bós tamien l teneis claro que tengo dixe la mai. Más la rapaza nun quedou mui cumbancida. I dixo nun teneis nada ,dezies só para m´animar. Até que sue mai biu que la garota staba mesmo cumbancida qu´era ua maldiçon i amostrou l sou Gato, beis cumo tamien l tengo. Berta Rosa biu l gato de la mai, i dixo mas l buosso ten la boca mais grande. Ye porque yá apanhou mais ratazanas dixe la mai. nun t´apuquentes qu´isso nun ye nada maldiçon de l tiu Bileiro. Ye sie l anunciu que yá stás a ser mulhier. Anton para quel dixo aquilho. El quijo brincar cuntigo, i cumo el sabie que anho mais anho menos te nacerie isso. Dixo aquilho para brincar cuntigo. Als poucos Berta Rosa cumbanciu-se mesmo que yá staba purpartada pa la bida. Até porque l gato cada beç staba más grande, i até yá gustaba que Berta Rosa brincasse cun el. José António Esteves Lar de S. Jesé Bumioso
Posted on: Wed, 02 Oct 2013 09:08:36 +0000
Trending Topics
Recently Viewed Topics
© 2015