NGHILH BIK LONG CHE MANGTHA. Khuangchawi Thla ni lo mah se, THLA èn dan chuan lung a tileng em em a. Tah pawh a tichhuak, Val dang tawna min liamsan ta ka Hmangaih ngei kha min hriat chhuah tir chiang ngei mai. Ka insum zo ta ngang lova, ka Khum hnuaia Tingtang, Thlanvawng thing ngeia ka Pa tuk chawp, hrui thum chiah nei tawh chu ka la chhuak a, ka luangliam chu a ni ta ber mai. Zanrei a ni tawh avangin a reh em em a, ka Pa hnar ri tih loh-ah chuan Kangkang leh Chhimbuk hram ri chu ka hriat awmchhun a ni mai a. Lung ava leng duh tak em!. Ka Tingtang atang chuan Chukchu rual leh Sazu pathum hi an rawn kat chhuak nghal a, Hmun biru lai deuh chu hmanhmawh takin an pan nghal a. Ka thuruk chhimin min luanliampui dawn a ni phawt ang chu maw? Hriatpuitu ka neihchhunte an ni tawh mai. Zawnglai te Hmangaihna Galili Dil ah hian ka tan man tur an awm lo nge?.... Hmangaihna Len te chu ka va deng rei ta em! Li thuk lama Len deng rawh tia Thu min petu tura ka duh lahin min liamsan ta si. Tingtang chu ka pawm reng na a, ka Zai thei lo. Zawitein he thu hi ka chham ta zawk a, Tui tlemte danglam tak, a tlem avanga danglam ni lo. Thinlung chhungril kehsawmina a nawr chhuah luangchhuakin Hmangaihtu biang a luan huh mek lai hian hram thiamte u ngawi ula, zan mu chhing teh un. Kei zawng ka Hmangaih nghilha tawnmang rama tual len ka zuam love. Ka mittui chuan ka khabe a thlengthla nghal a, mahse, hruk hul rèng ka tum lova ka duh hek lo. Hriatrengna thil pek ka hlan theih awmchhun a ni miau si a. Lunglen zai sa tura pawn lam pan nimah ila zai thei hek lo le. Mut hmuna duhthu sam a, nun hlui dawn kir zawk turin ka Khum riang tak chu ka pan leh ta ringawt a, ka Pa hnar ri lah a ring tulh tulh mai si, va hup sak hial ka tuma mahse, ka insum thei ta hram a, ka Nu bulah a luangliam ve anih dawn hi ka ti ta zawk a. Zan a rei zela lunglen a zual tulh tulh bawk. Kangkang leh chhimbuk te pawn ngawih an chuh ta bawk. Ka thaw a chham thuta ka talbuai hman tep, a pangngai leh ta hram a, ka hlauthawng hman khawpmai rilru ah Fam Lalzova alo lang nghal a, min hruai dawn ta emaw ka ti hman hial. Hreawm tam tak min tuartirtu, ka hmangaih khan ka Hmangaihna erawh a liampui ka rem ti lova, nghilh har hle mah se, nghilh zai ka rel ve ta a. Mu tawh rawh naktuk a ni tawh tia ka Nun min rawn tih avang chuan ka mu ve mai a. Reilote ka mu tihah chuan ka Arpa Virgine ngei mai kha a rawn Pau ta luah luah mai a, khua a var zui ta bawk. A vawi sawmna tan kan tlaivar leh ta phawt chu ania(h). Hmelthat nain a cheimawi Nun sual neitu chu Tur ngilnei a ni a, Hmelchhe Nun fel chu Thatna khuhbo ang a ni. Hailana belhchianin a duhawm hle thin
Posted on: Wed, 06 Nov 2013 15:37:39 +0000
Trending Topics
Recently Viewed Topics
© 2015