NGIFUNGUGO GOG UMASIBANDA 17. UnakaVusa umkaGumede baqhubana lomntanakhe bayakuwa khonale eGwandavalle besuka eDula kulandwe yena Nomaswazi lowo owabonakalayo. Bafika bemukelwa kahle kakhulu badla konke okumnandi banatha ababekufuna. UNomaswazi laye wayekhona kungomunye owayephekela izethekeli kwazise wayekhuthele bakithi umntaka Dlamini engelandaba lokuthi ngakibo kulezisebenzi. Wabhema wakholwa ke ngelihlo lenyama langelihlo lengqondo umfokaGumede uVusumuzi ngoba phela wayebonakala selokhe enqekunqekuza ikhanda okontulo asazi ke ukuthi wayeseboneni lokho okwasekumenza aze agxoze lendenda. Ngikhuluma ngoNOMASWAZI lapha madoda. Yebo zinhle ingane zabantu langaphandle ngiyavuma. Abanye bahle ngokokuzigcobisa izinto zamakhiwa lezi othola umuntu sekungathi ngudoli. Abanye bahle ngokupenda imilomo le ibebomvu,kanti abanye bahle ngenwele lezi ezokufakela. UNomaswazi wayemuhle sidalwa. Wayemuhle nanoma engakagezi kwakulichitsha lelo. Wawungambiza ntombi yombango nxangabe wawuthanda ngoba abafana wawuthola sebeze betshayana kubangwa yena kodwa bengakhonjwanga. LoVusa umfana kaGumede wafika wayivuma intombi yombango,kanti lonina wayesethe nama amehlo kuNoma engasawasusi. UNoma wathi esezothatha izitsha ezazidlela izihambi unakaVusa wabehlaba uVusa ngelihlo,uVusa wafunda umbhalo ebusweni bukanina owawuthi wona ngikutsheleni Vusa. Kwaxoxwa ngalezi ezaseDula langezaseGwandavalle kwaphekwa njalo okwantambama kwalalwa ngesibomvu. Ekuseni kwakhona ngezikhathi unakaVusa wabiza unakaNoma umfazi wenduna omdala bathi ukunyenyeza kancane ngasese. Beqeda lokho bangena ababeze ngayo behamba bexoxa bake bahlale phansi umama lomntwana kudliwe umphako kwazise yayimnandi leyondaba okwakuxoxwa ngayo. UnakaNoma wayixoxa leyondaba owayeke wayinyenyeza lonakaVusa,wavumela phezulu uNgqunqulu ngoba vele laye ngesingaye wayefuna kuye ngasifudlana zilime ziyetsheni abantwana basesikhosini bathathane. Phela umfana kaGumede wawumbona lawe nje nxa ehamba ukuthi ngumfana wasesikhosini. Indoda akuze kwathiwa yinhle kuthiwa iyabukeka,ngichaza lokho ke ukuthi uVusa wayebukeka asazi inhliziyo ukuthi yayinjani. Zatshovana izinsuku, intombi yombango ilokhe ibangwa abafana bexabana betshayana kusiba nzima omunye ethi uNoma ngowami lomunye ethi ngowakhe kungela ngitsho lokhonjiweyo. Wayengumuntu wabantu,bakithi uNoma ehlala ezihlekela njalonje. Wayebunjiwe,emnyama okukhanyayo ngokwebala egcwele. Hayi sukamadoda bayazala banyomama langaphandle,kanti lumntwana wayefuze bani njengoba uyise lonina babelenhliziyo zamatshe nje. Umuntu akazizali yebo ngiyavuma kunjalo yikho kanye okwakoDlamini ngoba phela uNoma wayehluke kakhulu ebazalini bakhe. UNoma wayengavunyelwa ukuyakukha amanzi lokuyatheza ngoba izisebenzi zazikhona. Kodwa yena wayengayingeni leyo umthola ethwele inkonxa ngapha ethwele lenkuni. ***0736821913....0742534384 ngiseGoli coll me. EZim 4nela uSenzo ku 00263776104250 uthole ugwalo oluthi uJehova ungumalusi wami kunye noSgubheqolo dankie ngyabonga.
Posted on: Thu, 24 Jul 2014 15:12:32 +0000
Trending Topics
Recently Viewed Topics
© 2015