NINU IKA? nang RONALD MALIG Ninu ika? atna ka simpli ing pamanarap ku king bie ku uling meragul kung eke makwalta eke kalulu ikwa ku ing pakikwanan ku pauli na naman ning manyilab kileng pamagaral a pekatimid dang panabilin di tata at ma ku miparangalan ku keni, pupuryan daku keta makapangasdan namu makapaskil ku lagyu kabiasa mo, santing mu sulat, kegana gana kabalu mo memoryadu mu siguru pelalung bokabularyu makalunud a amanu, makalabug a pamaglawe, makalulang papuri karing miyaliwang tau ikwa ku na pin ing pakikwanan kung eku migkasakit bagkus mitatas ku pa pwestu alang obrang masulit a liban kung eku inagyu limpasan, inarapan, pigsumikapan, pepabiliban, dayuhan a balu kung magsalitang tutu dapot ninu ika at dintang kang bubulusuk at pitda me ing panimanman na ning bie ku.. Ninu ika? sumangid ning akamtan ku, eku rugu balu mibait ya ing panga- tanga ku malabug kung akakit kanita, mebulag ne at ala neng akakit ambis ninu pepayanud ku, pepapukpuk ku. ika at ing bosis mu iya namung pekiramdaman ku ala kung daramdaman karing aliwa, ali ku pinsinan ambis ninu ing atatandanan ku, kinabug ku salu at migsalita ya ing pusu ku ngana, "mituran ku, lulugud naku !" Mali yang e mali, istu yang e istu, makatud ngan nung nanu ing dimdam ku king sinabi mu anti ku mong manikang de susi, lundag ka king bangin, anti kalalam ing buri mung dugpa ku ngaku ekune kilala ing milabas a sarili ku, tinunggak ku ngan pati na ing pangatau ku alang e teterku, alang asbuk a e bubula, kelingwan ku na na kanu ing sarili kung respetu Nanupata, lungub keni lumwal karin, bang ala namung argumentu dapot kabalikid pupulandit kung mantun keka, sasamal kung magsalita at ngaku, " nanu waring buri mu?" Gagalgal ku, tatakut, maliswas pota mimwa ka kaku ing gana ganang inyad mu, bala turumpu ku, dudurut pati pulu pulu akwa ku mu sang mamiragli, asali ku mu sang malaus, magisan ya man laman king bulsa ku.. "Misan mu datang king bie ku ini, eku na palampasan pa.l" ngakung gigigit king sarili ku magkaynge yang bagya ing telepunu ku, oyana ing bandi ku ngaku migising ne kaya, mengan ne kaya, bage ne kaya ining seli kung malan a malutu? nanu pa kayang asali ku para kaya bang enaku mikakunu bang kabang mabie ku alang patugut kung manyuyu potang bagsakan mukung aus, ninanu ne naman ing bandi ku Ginuku rugu Emu pu papabusten na mawala ya kaku.. midinan katang oras balang mikit kata kanita, kapali ning aldo, atna ku karimlang keka maka kaul ku linakad muku ibat San Matias anggang San Fernandu, eka pa mapagal ngamu kaku mekibat kung makatiman, makananu kung pagal nung ika ing kayabe ku? pitung banwa, pepa utu ku, pepagamit ku, pero eku inisip ing perwisyu kaluguran naku ning taung ini, otmo eya marineng tutukyan, pakilala at pagmaragul naku ngaku.. kalwat mina, ing kaba mi pamiyabe, panghinayangan na naman siguru kikyak ka ngamu kaku, aliku ne, mepuling kumu obat pakialaman muku kalaraman a migsilbing sandata ku king paparayung lugud a pepadurut kaku kasakitan king pusu, balang aldo manangis king lungkut ot makanyan ya ing pinili ku.. NINU IKA? ngeni ku mangayna, ngeni ku pilit migigising, ala ng mitagan kaku ding pera akakit lamu, dapot ing binye kung lugud eme man pala sikasu "sige mako naka, ekuna agyu ing akakit ku, tandanan mu, kakawanyan daka uling kailangan pero kapilanman lugud ku eya magbayu!" den ding tawling diling amanung dimdam mu kaku. eko man buring sabyan , dapot ninung mumunang sumaup keka nune yaku simpling bie na naman ing arapan ku, magobra, mumuli, mangan , matudtud, migising iyan ngeni ing bie ku likwan daka, eku balu pati yaku, melakwan ku.. gang ala naka, atyu ka pa mu rin keni king pusu ku. metung a maragul a kabaldugan king bie at kabilugan ku enaku mamasa pa, balu ku ala mu rin, eku na binawi pa, uling ita ing makatud kung gewa dapot balang magkera ku, epa ngeni, eyena pa ngeni, pero kapilan, etamu balu dudurut yamu Ing yatu.. Ngeni kilala da naka...nung NINU IKA!!!...
Posted on: Thu, 20 Jun 2013 16:56:26 +0000
Trending Topics
Recently Viewed Topics
© 2015