NIZAN KAN PAFA TITI CHU .... Ka fapa neih chhun Raymond Malsawmchhunga Chhangte hi kum 23 ni ve tawhin tunah Calcutta University hnuaiah LL.B a zir tan ve mek a. Tunah Bhubaneswar ah extended puja chawlh a rawn hmanlai ani a. Nizan chu...engtin tin emaw Mizoram leh Hnam issue kan sawi dun chiam a. Min zawhna pakhat khan ka ngaihtuahna a ti buaiin ...a chhanna dik tak tur vawiin chu ka ngaihtuah zawm nasa mai...Chu min zawhna chu.. Ka pa Mizoram leh Hnam I veina hi I passion ( tuipui ve ngawih ngawih. ..a bat a bat a ngaih khawp hial) niin ka hmuh sak che a. I kum a lo upa ve zel anga...engtik hunah emaw he I passion hi a bo tak daih theih I ring em..??? Inti bright takin, awlsam tein.. ..Bo thei teh reng ang chu. Eng eng emaw vanga ka subject tuipui chhoh ve mai ani a, science tak pawhin. ..Any thing that has a beginning must have an end too...tih ani a. Chuvangin engtik hunah emaw eng eng emaw avang bawkin ka theihnghilh/ tui lo leh daih thei ang...tia ka chhan chuan a ngui hnawp hian ka hmu a. A chal a dawm a..Ka pa, I chhanna ah ka duh aiin I chianglo...Zoram leh hnam I hmangaihna/ veina hi therhlo, sum leh pai emaw khawvel thila faida vang a lo nih chuan. ..sawi theih ka nei tam lo...Chutiangte anih chuan ni e..I ram leh hnam hmangaihna chu a reh thei khawp ang...a tih chuan...ka han inngaihtuah nawn leh a. Chutiang avanga hmangaih/ vei ka ni lo tih ka chiang ve tho bawk sia. Missionary rilru pua ram leh hnam vei hi ka thupui reng lai anih avang chuan...muang ban charhin.. Mam...chutiang ang khawvel thil taka faida zawnga vei chu ka ni si lo...tiin ka chhang leh hram a. Ani chuan...a lawmawm anih chu...Ka pa chutiang taka I ram leh hnam I vei anih chuan I duh hun hunah chuan I bansan thei ngawt dawnlo anih chu...min tih leh hram kha...Vawiin chu ka fapa conclusion ringawt chu ka ngaihtuah zawm a. Hman deuhva Pu KL Lianan..Hriata ram leh hnam vei chu a hahthlak asin. Kei pawh hian ka vei sawngsawhlawt lo tih ka hriat chhuah chang hi chuan. .Pathian hnenah tawngtai meuhvin. .ka VEINA min lak bo sak turin ka dil fo asin...min tih tum khan..Pu KL...kei chuan ram leh hnam vei hi hrehawm ka ti hran lova...Hah phah chu sawi loh...nuam ka tiin ka phur em em ringawt a. Ka tih tur ngawih ngawih ah ka dah hmak a.. Inti vei fuh deuh takin .....Nausen pawh a vei a vei chhuah anih si hi maw le. PASSION angin ka kalpui zawk te kha ka lo ti ve luklak daih tawh sia. .. Ram leh Hnam vei hi mimalin kan duhthlanna nge kan thisen ah a awm a...Chunglamin vei ngut ngut tur bik a rawn siam a...chu kan rau / thisen a awm chu a duh danin a duh hunah a rawn tinung thin mai zawk..??? Missionary anga Chunglamin a koh bik ( divine intervention) awmna chi subject a lo ni reng zawk em niang..??? Chuti nise..Pute Denga, Hawla, Zorama, Duha etc ho hi engang chi nge lo ni hlawm ang le..mahni duhthu a rawn feh chhuak ve ngawk nge Chunglam kohna chhangtute...tih ngawt maiin vawiin chu ka ngaihtuah pek chu maw le.. HMANGAIHTUN HMANGAIHTE TAN A TAWRH A TUL SI THIN...LOVE is measured in terms of SACRIFICES you made for your loved ones. ..an lo ti vei bawk nen.....Min hmangaih tute thau tulh tulh....Hmangaihte cher kiam kiam dinhmun erawh hi zawng....HMANGAIHNA MAK TAK chu a lo ni kan ti zel hrih phawt mai dawn em niang..???
Posted on: Wed, 29 Oct 2014 07:16:20 +0000
Trending Topics
Recently Viewed Topics
© 2015