Nadiskubrehan sa mga Medical Officers sa Kampo Panacan nga dunay gisagol ang mga rebeldeng new people’s army nga hugaw sa tao o mananap o dili ba kaha makamatay nga bacteria ngadto sa bomba nga ilang gitanum sa brgy. Napnapan sa Pantukan nga gikasamad sa tulo ka mga sundalo. Sumala pa ni Lt. Victor Dato, medical officer sa camp panacan station hospital nga duna silay nakita og namatikdan nga anaa sa mga samad sa mga sundalo nga hugaw sa tao og possibleng lala sa halas nga possibleng ikamatay sa mga sundalo. Nagpasalamat na lamang si Dato kay dali nila nga natambalan ang maong mga sundalo og ila gilayong nadiskubrehan ang maong bacteria nga maoy makapagrabe sa epekto sa samad nga naigo sa landmine. Naila ang pito ka mga sundalo nga sila First Lieutenant Marvin Liel l. Gammad; Sergeant Jonny P. Nacion; Private First Class (PFC.) Ryan Dumagat; PFC. Sosito Palmera; PFC. Rechie C. Cabag; PFC. John Russel Veran; og PFC. Reynold Yula. Ang maong mga sundalo luwas na gikan sa makuyaw nga kahimtang human sila nahatagan og tambal isip pang-alkontra sa maong kagaw.
Posted on: Thu, 05 Sep 2013 05:51:11 +0000
Trending Topics
Recently Viewed Topics
© 2015