Naka-synchronize sa: Daily Text Karon es13 pp. 88-97 Septiyembre Martes, Septiyembre 3 Mangandam kanunay.—Luc. 12:40. Aron maandam sa pag-abot ni Kristo, ang mga pamilya kinahanglang magpokus kanunay sa mga kalihokan maylabot sa matuod nga pagsimba. Kinahanglan silang magbantay batok sa mga kabaldahan. Tagda ang giingon ni Jesus bahin sa paghupot ug “yano” nga mata. (Mat. 6:22, 23) Sama sa lampara nga makalamdag sa atong agianan ug niana makalakaw kita nga dili matumba, ang ginatan-aw sa atong simbolikong ‘mga mata sa kasingkasing’ makalamdag usab kanato, nga makatabang kanato sa paglikay sa pagpakasala. (Efe. 1:18) Aron ang literal nga mata tin-awng makakita, kini kinahanglan nga walay depekto ug makapokus sa ginatan-aw. Ingon usab niana ang mga mata sa kasingkasing. Ang pagbaton ug yano nga simbolikong mata nagpasabot nga kita nakapokus sa usa ka katuyoan. Imbes masentro ang atong kinabuhi sa materyal nga mga butang ug mabalaka pag-ayo sa pagtagana sa panginahanglan sa pamilya, atong ipokus ang atong mata sa espirituwal nga mga butang.—Mat. 6:33. w11 5/15 2:3, 4
Posted on: Tue, 03 Sep 2013 00:05:30 +0000
Trending Topics
Recently Viewed Topics
© 2015