Nangawat sa KTV Naila Na Richard Grande Agusan News Portal Positibong giila sa kapulisan sa Prosperidad Municipal Police Station ang responsible sa pagpangawat sa usa ka KTV Bar sa Barangay 1 San Francisco Agusan del Sur dili pa lamang dugay ug didto na kini napalgan sa motor parts shop sa lungsod sa Prosperiad. Sa taho nga nakuha sa Prosperidad Municipal Police Station gireklamo sa usa ka Jenny-Vi Ratunil ang pagkahanaw sa iyang SAMSUNG GALAXI Tab nga nagbalor ug 28-Mil pesos nga igo lamang niya gibutang ibabaw sa iyang lamesa dihang misteryuso kining nawala. NAgpasalamt nalang ang ginang tungod sa may nakasulti kaniya nga adunay giprenda ug 7-Mil pesos sa didto sa Prospridad maong gidali dayon kini niya ug pagdangat sa maong hingtungdan aron makumperma nga ang maong butang iya ba gayud. Basi sa serial number niini positibo nga ang maong butang iya gayud sa ginang ug gipamatud-an usab kini sa PNP Prosperidad. Giila sa kapulisan ang suspek nga usa ka DARYL BEGYAN URBISTUNDO hingkod ang panuigon walay trabaho ug mulupyo sa Barangay 3 San Francisco Agusan del Sur hangtud sa pagsulat niining balita dili na masuhid pa ang nahimutangan sa suspek daan na usab nga adunay mga susama niini nga salaod ang nasang-at sa pangalan sa maong suspetsado.
Posted on: Sun, 08 Sep 2013 05:22:25 +0000
Trending Topics
Recently Viewed Topics
© 2015