Noon News/Updates. Moses Ogodo don receive more dan 50 Calls dis morning from different source and our Intel dey tell us say Moses Ogodo dey deny am, say e nor wan Track our line down. We dey use dis update dey tell Moses Ogodo say dis quarrel wen e start so, make e ready to end am. Na yesterday wen be 16th January 2014, nai Sapele Town experience the first LIGTHING AND THUNDER STRIKE for d year 2014. This natural phenomeno happen around 3:42PM yesterday afternoon. The ligthing and thunder come with small shower of rain. Meanwhile, Sapele Town record d first rain of d year early dis morning (17TH JAN 2014) around 3:12AM. I come outside con witness d rain as I naked baff and pray under d rain SAY make Sapele Town develop from glory to glory dis Year 2014. Amen. Victor Oghene and Esther wen be Girlfriend to Hon. Micheal Diden wen dey use Red Corrola don dey plan fake marriage to take collect money from Oga Ejele hand. Dis Victor Oghene don dey play different waiyo dey chop dis Girl money, all in d name of say e wan deceive d Girl marry, den e go run d Girl with her money commot from Sapele. Na Okada Men wen park for Adeola Rd nai dey direct Cars wen dey pass thru Oleh Rd dis morning, as some area Boys mudiaga for d spot dey wait who go fall inside the gutter, so dat dem go helep u carry d car come out from the gutter wit Financial gain. If God give u money nor be ur power, if ur family dey worry u, u nor go make am 4 Life, so i challenge Hon. Godwin Ebosa say waitin e dey do so, nor good. As e dey help he mama side and e leave he Papa side dey suffer. a true leader nor suppose dey Bias. Even pipo wen done Pray for u since last year, wen u promise to sponsor for HSE Training don wait tire, as some of dem done dey lost hope, all in d name of say na scam u dey use dem dey play. Report jump enter studio say u don pack enter ur new House for Lagos. I congratulate u, but try make u correct all dis things wen i outline for you so. The Transition Committee Chairman of Sapele Local Government Hon. Julius Egbedi don call on Nigerians to show love and benevolence to Families and Members of the Nigerian Legion. Hon. Egbedi talk dis talk during this year Armed Forces Remembrance Day and Emblem Appeal Week for Sapele. He say make all of us contribute for the upkeep of the Families of the Falling Heroes, he con launch the Emblem with One Hundred Thousand Naira(N100,000) as he charge others to give generously to support the Legion. Diamond Man Table water wit NAFDAC Registration Number, 01-4294L. Na my trouble u dey find so. Ur water dey smell wetin rat die put. I give u 2 weeks to upgrade, if not, na me go revoke ur lincence and shut down ur gutter water company or na dat ur belle wen rise like Otomewo nai i go take drag u go Ministry of Health. One hefty party dey go on now for Sapele Athlectic Club. D canopies reach 32. Unu wen dey find afternoon food to wack, make unu go there now. *RITE OF PASSAGE D family of late Chief W. U. Eguegu of Igbeku village in Amukpe, Sapele, invites unu 2 d burial of Chief James Goodluck Eguegu, A.K.A Jes Motel (Origho of Okpe kingdom) on the; 7th of February - Service of songs by 3pm. 8th of February - Interment by 10am. 9th of February - In-Laws greeting day by 12 noon. Venue : No. 2 Jes Motel Road, off Sapele - Warri Road, Amukpe, Sapele. 9th of February - Thanksgiving Service for Christ Embassy Church, Akintola Road, Sapele. May his soul rest in peace. Amen. One terrible accident happen but nobody die, as the Okada Man park e bike and one food Woman wan sell food for one Woman before d Jeep run jam d Okada Man and d food truck. Na serious accident for Boyo Road by MacPherson nai e for happen dis morning. Na d Picture dey under dis post so. SAPELE/DELTA STATE MUST BETTER.
Posted on: Fri, 17 Jan 2014 12:42:12 +0000
Trending Topics
Recently Viewed Topics
© 2015