Nun Hausa Patlingin chhun nisen sa hnuaiah Rs. 50 a han hlawh chhuaka, tihbo hlau takin a hum thlan zawr dup a, thlan tui far zawih zawih a hna rim taka a thawh lai chuan a kekawr mawnga Rs. 50 awm chu a hre rengin, chu Rs. 50 chuan a thlamuana, chakna leh phurna a pe a, khawvel hi zangkhai takin a thlir phah a, a sum bawm chu sawi loh, a nunte chu hausa sawt hian a hre fo bawk. Mi In hnuai ti deuh rip repa a luh hnu in atana Hmun nuam ber, ama In luah ngei a han thlenga, a thawveng thin. Chu Inchhung ah chuan bungraw ropui hmuh tur a awm lo. Khum a awm a, Stove leh eirawngbawl na tlem a zawng a awm leh tlawng a. Inhruk puan leh Sahbawn a awm chuan a tawk. Kawngka a inkalh hnan sauh sauh a,a thawh chhuah ang ang chu hnukulh lo chauhin a chhiar a, Rs.10, Rs. 50 , Rs. 100 mi hausa ava ni em! Zan thimah tuikhurah a han inbual fai a, puan veng chungin a thawmhnaw balte a su sur sur a, chumi hnuah Radio ah leikapui lam hla ngaithla pah chuan eirawng a han bawl a, Dal tui leh Hmarcha hring nen puar euhin a han inchhek mi lian a, hahdam takin khuman a zangthal der der a, mi awhawm avan ni em!
Posted on: Fri, 25 Oct 2013 15:49:59 +0000
Trending Topics
Recently Viewed Topics
© 2015