Nyi Nyi Htwee မာလုံးတစ်ရာနန့် ရခိုင်စာ စာတစ်ကြောင်းမှာ မာအလုံးတစ်ရာနန့်  ရခိုင်စာလေ့ ချောင်းကျမြောင်းကျ ဒုက္ခိတဘ၀နန့်  နိဂုံးချူပ်လီရဖို့ ဗျာယ်လာမသိ။ ရခိုင်စာ သတ်ပုံမတည်ငြိမ်ပါ လို့  ရခိုင်သားတတိုင်အော်နိန်ကတ်စွာကလေ့ “ရခိုင်သားရေ သတ်ပုံပျက်လူမျိုး” လို့ ပြောစွာနန့် တူနိန်ပြီးကေ သုဝဏ္ဏဒေ၀ီ ခေါ် စောပြည့်ညိုရို့ ခေတ်ကာလကပင် ဖြတ်သန်းပါလတ်တေ နှစ်ပေါင်းတစ်ထောင်ကျော် ရက္ခ၀ဏ္ဏအက္ခရာ သမိုင်းခြီရာကို မျက်ကွယ်ပြု လားဖျောက်စွာနန့် တူနိန်ရေ။ စာလုံးပေါင်းသတ်ပုံရာ မတည်ငြိမ်ကေ ရခိုင်စာရေ နှစ်ပေါင်းထောင်နန့် ချီပနာ တည်တံ့လာစရာ အကြောင်းကိုမမြင်.. တာထွက်ခါကပင် ပျက်လို့ ဟိလီဖို့ ။ ဗမာစာနန့် မတူကေ ကျီဗျာယ် ဆိုရေ မူဝါဒကိုလက်ကိုင်ထားပနာ အသံထွက်တိုင်းရာ လိုက်ရွီးနိန်ကတ်ကေ ရခိုင်စာရေ ရခိုင်သားလက်ထဲမှာ ကြာဖို့ မဟုတ်။ ပိုဆိုးနိန်စွာ နောက်တခုက ခေတ်သစ်ရခိုင်စာသတ်ပုံသတ်ညွှန်းအကြောင်းကို မိုးဦးကျဖားပြုတ်ပိုင် မတန့် တမ်းအော်နိန်ကတ်တေ ရခိုင်သားတတိုင်စွာ စာ (Language) နန့် စာပီ (Literature) ကို မခွဲခြားတတ်ခြင်းပင် ဖြစ်တေ။ ထိုစာလုံးကို ထိုပိုင်ပေါင်းပါဖို့  ဒေစာလုံးကို ဒေပိုင်ပေါင်းပါဖို့ ဆိုပနာ အော်ကြီးဟစ်ကျယ်အရည်မရအဖတ်မရ ပြောနိန်ကတ်ခြင်းကိုပင် မဟာရခိုင်စာပီကိစ္စကိုဆွေးနွေးခြင်းလို့  ဂေါင်းစိုဉ်တတ်ထားပြန်သိမ့်ရေ။ ကြိုးညှိမိုးလင်း ဆိုရေပိုင် စာလုံးပေါင်းသတ်ပုံနန့် တိုင်ပတ်ပနာ တခုကိုလေ့ခရီးမရောက် လမ်းပျောက်လားစွာရာ အဖတ်တင်ကျန်လိုက်တေ။ ထင်သာမြင်သာ တိုးတက်လာမှုကို မတွိရ။ အဓိကပြဿနာက ဂနိကာလ ရခိုင်သားချေတိရေ စာဖတ်အားနည်းရေ။ လေ့လာအားနည်းရေ။ ခေတ်သစ်ရခိုင်စာကို အယင်ပိုင် ရခိုင်တမျိုးသားလုံးသုံးရေ အမျိုးသားစာ ဖြစ်လာအောင် ပြုပြင်လားဖို့  ပညာရေးကိုယ်ခံအားကောင်းရေ ဘာသာဗေဒပညာရှင်တိ အများကြီးလိုအပ်နိန်ရေ။ ကမ္ဘာကြီးမှာ တခြားလူမျိုးတိ၏စာ တိုးတက်ဖြစ်ပေါ်မှုသမိုင်းကြောင်းတိကို လေ့လာကြည်လိုက်ကေ တခုလူမျိုးကလေ့ အေနိကာလ ရခိုင်သားတိပိုင် စာလုံးပေါင်းသတ်ပုံနန့် တိုင်မပတ် လမ်းမချော် အချိန်မဖြုန်းကတ်စွာကို တွိရရေ။ ပညာဗေဒပညာရှင်တိက သဒ္ဒါကျမ်းတိ ရွီးကတ်တေ။ အဘိဓါန်တိကို ပုံနှိပ်ထုတ်ဝီလားကတ်တေ။ နောက်ဆုံးအဆင့်မှာ ပြည်သူအများစုက ထိုစာကို လက်ခံလာပနာ အာဏာပိုင်ရို့ က စံသတ်မှတ်ပြီးကေ ရုံးသုံးဘာသာ ဆိုပနာ ပြဌါန်းကျင့်သုံးလားကတ်တေ။ စာပီက စာဖြစ်ပေါ်မှုထက် ပိုလို့ နက်နဲရေ။ အနုပညာပါရေ။ အတွေးအခေါ်ပါရေ။ စာပီတရပ်ဖြစ်ပေါ်တိုးတက်မှုတိုင်းစွာ အတွေးအခေါ်တရပ်မှာ အခြီခံထားစွာကိုတွိရရေ။ ပို့ စ်မော်ဒန်သမားတိက စစ်ဆန့် ကျင်ရေးဝါဒကို လက်ကိုင်ထားရေ။ မော်ဒန်သမားတိက ပကတိအရှိတရားနန့် သရုပ်မှန်ဖက်ကို ဇောင်းပီးရေ။ မော်ဒန်ဖခင်ကြီး ချားစ်လ်ဘော်ဒလဲ (Charles Baudelaire) က စာပီသမားရေ လူထုကြားမှာ ရှင်သန်ရဖို့ လူထုနန့် ကင်းကွာလို့ မရလို့  ဝေဖန်ထောက်ပြဖူးရေ။ ရခိုင့်စာဆိုတော်ကြီး သုဝဏ္ဏဒေ၀ီ (၀ါ) စောပြည့်ညိုရွီးခရေ ကဗျာတိကို ဖတ်ကြည့်လိုက်ကေ ရသစာပီခံစားချက်တိတောင်မက ယင်းခေတ်ကာလကရခိုင့်နိုင်ငံရေးစစ်ရေးအခြေအနေတိကိုပါ လားတွိနိုင်ရေ။ ဆရာစံကျော်ထွန်းရွီးထားခရေ “ရခိုင်ကဗျာနန့် ရခိုင်အတွေးအခေါ်” စာအုပ်ရေ ရခိုင်စာပီသမားရို့ လက်ကိုင်ထားသင့်ရေ တန်ဖိုးအဟိဆုံး စာအုပ်ကောင်းတစ်အုပ် ဖြစ်တောင်မကသိမ့်လို့  အဆင့်မြင့်တက္ကသိုလ်ပညာရေးစနစ်မှာပါ သင်ရိုးညွှန်းတမ်းစာအုပ်အဖြစ် ပြဌါန်းသင်ကြားပီးသင့်ရေ ပညာရှင်စာတမ်းတစ်စောင့်လေ့ ဖြစ်နိန်ရေ။ အနှစ်ချူပ်ပနာ ပြောရကေ ရခိုင်စာနန့် ရခိုင်စာပီလမ်းကြောင်းသစ်တရပ်ပေါ်လာဖို့  ဘာသာဗေဒပညာရှင်တိတောင်မက အတွေးအခေါ်အခြီပြုပနာ ဖန်တီးမှုအား ရွီးအားကောင်းရေ စာပီသမားတိ အများကြီးလိုအပ်နိန်ရေ။
Posted on: Sun, 02 Mar 2014 05:16:09 +0000
Trending Topics
Recently Viewed Topics
© 2015