OFFICER EDWARD DENNY-A THIL TAWN MAK ************************************** Mihringte hi hun kal tawh ah kan kir leh thei em ni ang... Canadian North West Mounted Police a Officer, Cecil Edward Denny chu 1875 kum khan Canadian Rockies velah zing karah ramvak in lawngleng in a chhuak a. Tichuan ni alo tlang sang a, darkar alo liam zel a, chhun alo nih chuan khua a rawn dur a, ruah a rawn sur dawn ta mai. Denny-a chu lui mawng lamah inkar thla in tawm hulna tur a melh pah a, mahse, ruah leh thli chuan Cecil Edward Denny, chu a rawn nuai zui ta tho a. Rial nen tek nen a thawk ta chiam mai a, vauakam ah in kar kai in tawm hul na a zawng zel a. Rei vaklo hnuah chuan ruah leh thli pawh chu a han ve ta deuh a, a chawl hahdam a; chutih lai chuan ramhnuaiah chuan khuang ri vel leh mihring tawng ri te a hre ta. Blackfoot Indians ho camp a awm hnai anih ringin aw a hriatna lam pan chuan a kal ta a. Chutia a thawm hriatna lam pana a kal lai mek chuan thli leh ruahpui chu rawn thawk tha leh in a hma aia nasa in a rawn nuai leh a. Vannei asiamin hmun fai lai deuh hi ava chuang chhuak hlawl mai a. Puanin 20 vel leh mihring lo veivak vel hi ava hmu a, Canadian Indians ho reng reng hian ruah an do ngailoh avangin a thil hmuh chu mak a ti deuh hlek a. Chutia a pan phei mek lai chuan tek a rawn tla thut mai a, a bula thing chu a rawn deng phel phawk a, Denny-a chu hnung lamah a tlu tawp a, a han thawh chhuah leh chuan mak tak mai in a hma lawk a puanin leh mihring a hmuh naah chuan thingkung hlir a lo awm ta mai a. Mihring leh puanin vel reng reng hmuh tur a awm tawh lo. Denny-a chu hmanhmawh takin an hmunpui lam pan chuan 25km zet chu khawchhe hnuaiah chuan ke in a let ta vang vang mai a. Tichuan, an hmunpui ava thlen chuan a thil tawn chu a thiante hnena an sawi chuan an awih lo kher mai. An lo nuihzat viau mai a, a mitvai mai maiah an lo puh sak a; mahse Denny-a chuan hmu chiang a inti ve tlat bawk si a; tichuan, khua te an that hnu chuan Indians pahnih hruaiin chulai hmun ah chuan an va kal leh ta ngat a. A hmun an va thlen chuan lung in rem khawm dan vel atang chuan tunhma chuan camp alo awm tawh thin tih chu a hriat a, tin, hnim zingah chuan luruh ro pahnih an hmu bawk a. A Indian hruai te chuan tun hma in chulai hmunah chuan Blackfoot Indians hovin Cree Indians ho an run a an that chimit vek tawh tih an sawi ta tlat mai. Denny-a chuan chung ho thla chu a hmu nge ni ta anga, engtin emaw tak hun kal tawh ah a kir leh zawk tih chu hriatthiam har tak a ni ta a ni. Denny-a hi tunhma hunah engtin emaw tak a kir leh nge ni anga,hmanlai deuh a Indians thi tawh ho thla chu a hmu zawk tih chu a chhiartu te ngaihdan ah dah tawh ila a tha awm e. Mak dangdai ve riau ania. *Source: Almanac Of The Uncanny **Image: Google Image. Blackfoot Indians ho camp.
Posted on: Wed, 21 May 2014 08:02:44 +0000
Trending Topics
Recently Viewed Topics
© 2015